“Qəbələ” – “Kəpəz” – 1:2
31 oktyabr 2015. Saat 18:00. Qəbələ şəhər stadionu, 300 tamaşaçı
Baş hakim: Əliyar Ağayev
Baş hakimin köməkçiləri: Zeynal Zeynalov, Knyaz Əmiraslanov
Dördüncü hakim: Elvin Əsgərov
AFFA nümayəndəsi: Ramiz Abdullayev
Hakim-inspektor: Murad Məmmədov
Sarı vərəqələr: Aleksey Antonov, 67 (qeyri-idman hərəkəti) // Rəşad Eyubov, 65 (qeyri-idman hərəkəti); Tadas Simaitis, 90+3 (oyunun bərpasını ləngitdiyinə görə)
Qollar: Fakundo Pereyra, 69 // Aleksandr Sitnik, 2, Dario Federiko, 90+4
Artırılan vaxt: I hissədə 4 dəq.; II hissədə 4 dəq.
“Qəbələ” Topaz Premyer Liqasında növbəti oyununu keçirib. “Qırmızı-qaralar” XI tur çərçivəsində “Kəpəz”lə qarşılaşıb. Dünən start götürən matç qatı duman üzündən 29-cu dəqiqədə dayandırıldığından matç bu gün davam etdirilib.
Komandamızın baş məşqçisi Roman Qriqorçuk ötən turun AZAL-la matçı ilə müqayisədə start heyətində 7 dəyişiklik edib. Vitali Vernidub, Rikardinyo, Rəşad Sadiqov, Fakundo Pereyra, Ermin Zets, Məhəmməd Mirzəbəyov və Samir Zərgərov bu dəfə “11-lik”dən kənar qalıb. Əvəzində Vojislav Stankoviç, Aleksey Qay, Sergey Zenyov, Arif Daşdəmirov, Ürfan Abbasov, Derlis Meza Kolli və Vaqif Cavadov start heyətində yer alıb. Debütü ötən tur gerçəkləşən hücumçu ilk dəfə oyuna “11-lik”də başlayıb.
Qarşılıqlı hücumlarla başlayan oyun erkən qolla əlamətdar olub. Qonaqların ilk hücumlarından birində Aleksandr Sitnik fərqlənib. Bununla sonuncu dəfə IV turda qapısında qol görən “Qəbələ”nin 6 oyunluq quru seriyası qırılıb. “İnter”lə həmin matçı (1:2) buraxan Dmitri Bezotosnının seriyası daha uzun sürüb. I turun “Qarabağ”la (2:2) görüşündən sonra ardıcıl 8 matçda qapısını toxunulmaz saxlayan ukraynalı əlcək sahibi 729 dəqiqədən sonra qol buraxıb. O, bu göstərici ilə dünyanın ən uzun seriyalarının siyahısına düşüb. Buraxılan qoldan sonra “qırmızı-qaralar” böyük qüvvə ilə irəli atılıb. Üstünlüyü ələ alıb, hesabda tarazlıq yaratmağa çalışan komandamızla yanaşı, Gəncə təmsilçisi də fərqi artırmaq üçün əks-hücumıar təşkil edib. Lakin hava şəraiti komandaların istəyinə mane olub. Qatı duman üzündən görüntünün aşağı olduğunu nəzərə alan hakimlər matçı dayandırıb. Hesab 0:1 olarkən təxirə salınan qarşılaşmanın davamı bu gün baş tutub.
İlk yarının davamına daha fəal başlayan “Qəbələ” təhlükəli hücumlar təşkil etsə də, real qol vəziyyəti yaratmaqda çətinlik çəkib. Bu 19 dəqiqədə yalnız Aleksey Antonovun yaxın məsafədən zərbəsi yaddaqalan olub. Lakin cinah ötürməsini tamamlayan hücumçunun zərbəsindən sonra top tirin üstündən keçib.
Fasilədən sonra Fakundo Pereyranı meydana buraxan Qriqorçuk yetirmələrinin meydanın mərkəzində üstünlüyü ələ almasına çalışıb. Bu dəyişiklikdən sonra hücumlarının kəsəri daha da artan komandamız rəqib qapısına hücumları sıralayıb. Qəbələdə sulu qarın başlaması ilə arenanı bürüyən duman da çəkilib. Az keçməmiş məhz Fakundonun güclü zərbəsindən sonra “qırmızı-qaralar” hesabda tarazlıq yaradıb. Bundan sonra da topa nəzarət edən komandamız rəqibin əks-hücumları ilə üz-üzə qalsa da, hesab matçın sonlarına qədər dəyişməyib. Matça artırılan sonuncu dəqiqədə isə Dario Federiko qonaqlara qələbə qazandıran qolun müəllifi olub.
Beləliklə, 1:2 hesabı ilə uduzan “Qəbələ” Topaz Premyer Liqasının cari mövsümündə ilk ev məğlubiyyətini alıb.
“Qəbələ”
22. Dmitri Bezotosnı
(33. David Pietrzikeviç, 7)
3. Vojislav Stankoviç
4. Elvin Camalov
9. Sergey Zenyov
19. Aleksey Qay (k)
21. Arif Daşdəmirov
34. Ürfan Abbasov
69. Aleksey Antonov
70. Vaqif Cavadov
87. Ruslan Abışov
88. Derlis Meza Kolli
(32. Fakundo Pereyra, 46)
Ehtiyat oyunçular:
5. George Floresku
8. Məhəmməd Mirzəbəyov
25. Qismət Alıyev
44. Rafael Santos
66. Samir Zərgərov
Baş məşqçi: Roman Qriqorçuk
“Kəpəz”
88. Tadas Simaitis
18. Tural Axundov (k)
25. Şəhriyar Əliyev
3. Tərlan Quliyev
13. Şəhriyar Rəhimov
7. Junior Osvaldo
(23. Tural Nərimanov, 90)
8. Budaq Nəsirov
68. Rəşad Eyyubov
10. Dario Federiko Junior
27. Bəxtiyar Soltanov
(15. Azad Kərimov, 74)
19. Aleksandr Sitnik
(90. Julien Ebah, 62)
Ehtiyat oyunçular:
1.Eyyub Əliyev
9. Murad Ağakişiyev
80. Tural Rzayev
6. Ceyhun Cavadov
Baş məşqçi: Şahin Diniyev
