“Qəbələ” – “Neftçi” – 1:2
Azərbaycan Kuboku, ½ final mərhələsi, ilk oyun
12 aprel 2018. Saat 18:00. Qəbələ şəhər stadionu, 2800 tamaşaçı
Baş hakim: İnqilab Məmmədov
Baş hakimin köməkçiləri: Akif Əmirəli, Yaşar Abbasov
Dördüncü hakim: Orxan Məmmədov
AFFA nümayəndəsi: Şaiq Həmidov
Hakim-inspektor: Vüsal Əliyev
Sarı vərəqələr: Filip Ozobiç, 68 (qeyri-idman hərəkəti); Qismət Alıyev, 88 (qeyri-idman hərəkəti) // Namiq Ələsgərov, 86 (qeyri-idman hərəkəti); Rəşad Əzizli, 90+3 (oyunun bərpasını ləngitdiyinə görə)
Qollar: Stiven Monroz, 90+1 // Lukas Qomez, 29; Namiq Ələsgərov, 44
Artırılan vaxt: I hissədə 1 dəq.; II hissədə 5 dəq.
Bu gün Azərbaycan kubokunda yarımfinal mərhələsinin ilk oyunları keçirilib. Günün ikinci qarşılaşması Qəbələdə baş tutub. İki il əvvəl də bu mərhələdə üz-üzə gələn “Qəbələ” “Neftçi” növbəti duelin ilk matçına çıxıblar. “Qırmızı-qaralar” görüşə dörd gün öncə çempionatda keçirilən “Zirə”ylə səfər matçı ilə müqayisədə 3 dəyişikliklə başlayıblar. Dmitri Bezotosnı, Baqali Dabo və Omar Malone start “11-liy”indən kənar qalıblar. Onların əvəzinə Aqil Məmmədov , Filip Ozobiç və Təmkin Xəlilzadə ilk dəqiqələrdən meydana çıxıblar.
Hər iki komandanın çox istəkli başladığı görüş qarşılıqlı hücumlarla əlamətdar olub. Roman Qriqorçukun yetirmələri doğma azarkeşlər önündə qələbə qazanmağa çalışsa da, istəyinə çatmayıb. Hesab ilk yarının ortalarında açılıb. Bakılılar Lukas Qomezin qolu ilə önə keçiblər. Fasilə öncəsi qonaqlar fərqi artırmağa da müyəssər olublar. Bu dəfə Namiq Ələsgərov fərqlənib.
İki top geri düşən “Qəbələ” fasilədən sonra fəalıığı artırıb. Qriqorçuk oyunu əvəzetmələri ilə matçın axarını dəyişməyə çalışıb. Hər iki qapı önündə təhlükəli vəziyyətlər yaransa da, yalnız matçın sonlarında daha bir qol vurulub. Bu dəfə “qırmızı-qaralar” rəqib qapısına yol tapıb. İlqar Qurbanovun sağ cinahdan ötürməsini Stiven Monroz baş zərbəsi ilə tamamlayıb. Bununla da legioner ardıcıl 3-cü oyunda komandasının yeganə qolunun müəllifi olub. Bu top Monrozun “Qəbələ”də ümumilikdə 10-cu qolu kimi yadda qalıb. Fərqi azaldan “qırmızı-qaralar” matçın sonunadək hücumlarını davam etdirsə də, bərabərlik qolunu vura bilməyib.
Xatırladaq ki, “Qəbələ” və “Neftçi” arasında yarımfinalın cavab oyunu aprelin 18-də Bakıdakı “Bakcell Arena”da keçiriləcək.
“Qəbələ”
23. Aqil Məmmədov
3. Voislav Stankoviç
8. Qismət Alıyev
(74. Yusif Nəbiyev, 88)
10. Ruslan Qurbanov
(18. İlqar Qurbanov, 54)
11. Asif Məmmədov
14. Cavid Hüseynov (k)
19. Filip Ozobiç
28. Stiven Monroz
33. Təmkin Xəlilzadə
(6. Elvin Məmmədov, 46)
34. Urfan Abbasov
45. Famussa Kone
Ehtiyat oyunçular:
35. Murad Popov
66. Sərxan Osmanov
4. Elvin Camalov
5. Rasim Ramaldanov
16. Omar Malone
29. Hacıağa Hacıyev
32. Amin Seydiyev
Baş məşqçi: Roman Qriqorçuk
“Neftçi”
94. Rəşad Əzizli
6. Rəşad Sadiqov (k)
2. İlkin Qırtımov
5. Anton Krivotsyuk
25. Kiril Petrov
10. Derlis Meza Kolli
(12. Mayk Kampaz, 87)
93. Soni Mustivar
17. Rəhman Hacıyev
(8. Emin Mahmudov, 75)
7. Namiq Ələsgərov
11. İqnasio Herrera
9. Lukas Qomes
(22. Mirabdulla Abbasov, 83)
Ehtiyat oyunçular:
1. Səlahət Ağayev
21. Məhəmməd Mirzəbəyov
97. Elnur Cəfərov
77. Elvin Sərkərov
3. Fərid Abbaslı
19. Fransisko Qarsiya
Baş məşqçi: Tərlan Əhmədov
