Qəbələdə cüdo turniri keçirildi
Xəbərlər / 25 May 2022 | 17:34134
“Qəbələ” İdman Klubunun təşkilatçılığı ilə “Vətən Müharibəsi Qəhrəmanı” şəhid Əfqan Abdurahmanovun xatirəsinə həsr olunan ənənəvi cüdo turniri keçirilib. Qəbələ Olimpiya Kompleksində baş tutan turnirdə 18 komandadan 2010-12-ci il təvəllüdlü 198 cüdoçu 10 çəki dərəcəsində mübarizə aparıb. İlk dəfə keçirilən və ənənəvi olacaq yarışda Qəbələ ilə yanaşı, Bakı, Gəncə, Mingəçevir, Sumqayıt, Ucar, Yevlax, Zaqatala və İsmayıllı idmançıları da qüvvəsini sınayıblar. Şəhidin həyat yoldaşı, qızı, anası, digər qohumları və döyüş yoldaşı turnirin fəxri qonaqları sırasında yer alıblar. Tədbirdə Qəbələ Rayon İcra Hakimiyyətinin nümayəndələri, Gənclər və İdman İdarəsinin və Olimpiya Mərkəzinin rəhbərliyi iştirak edib.
OXŞAR XƏBƏRLƏR
