“Qəbələ” – “Sumqayıt” – 0:2
17 avqust 2019. Saat 19:00. Qəbələ şəhər stadionu, 500 tamaşaçı
Baş hakim: Rauf Cabarov
Baş hakimin köməkçiləri: Yaşar Abbasov, Müslüm Əliyev
Dördüncü hakim: Rəşad Əhmədov
Hakim-inspektor: Şahin Cəfərov
AFFA nümayəndəsi: Mübariz Hüseynov
Sarı vərəqə: Asif Məmmədov, 26 (hakimin qərarına etiraz), 84 (qeyri-idman hərəkəti); Merab Qiqauri, 54 (qeyri-idman hərəkəti), Rasim Ramaldanov, 84 (qeyri-idman hərəkəti); Sadiq Quliyev, 90 (hakimin qərarına etiraz) // Peyman Babayi, 40 (tələb olunan məsafəyə riayət edilməməsi); Əmir Ağayev, 60 (qeyri-idman hərəkəti); Mehdi Şərifi, 70 (qeyri-idman hərəkəti); Vüqar Mustafayev, 84 (qeyri-idman hərəkəti); Mehdi Cənnətov, 86 (oyunun bərpasını ləngitdiyinə görə)
Qırmızı vərəqə: Asif Məmmədov, 84
Qollar: Mehdi Şərifi, 13, 26
Artırılan vaxt: I hissədə 1 dəq; II hissədə 4 dəq.
“Qəbələ” Azərbaycan Premyer Liqasında 2019/20 mövsümünə start verib. “Qırmızı-qaralar” ilk turun ikinci oyun günündə meydana çıxıblar. Komandamız Qəbələ şəhər stadionunda “Sumqayıt”ı qəbul edib. Sənan Qurbanov UEFA Avropa Liqasının “Dinamo” ilə Tbilisidəki oyunu ilə müqayisədə heyətdə iki dəyişikliyə ehtiyac duyub. Kristian Kouakou və İvitsa Juniç “11-lik”dən kənar qalıbsa, Roman Hüseynovla Sadiq Quliyev ilk dəqiqələrdən meydana çıxıb.
Görüş qarşılıqlı hücumlarla başlayıb. İlk təhlükəli epizod rəqibin qapısı önündə yaranıb. Lakin cinah ötürməsindən yararlanan Sadiq Quliyevin baş zərbəsindən sonra top çərçivənin üstündən keçib. Hücumları daha kəsərli alınan “Sumqayıt” 12-ci dəqiqədə hesabı açıb. Matçdakı ilk qolu vuran Mehdi Şərifi az sonra dublunu da rəsmiləşdirib. Oyunun axarını dəyişməyə çalışan Sənan Qurbanov artıq ilk yarıda dəyişikliyə əl atıb. Ülvi İsgəndərovun meydana daxil olmasından sonra “Qəbələ”nin hücumlarının kəsəri xeyli artıb. Öncə Merab Qiqaurinin zərbəsi yaddaqalan, amma qeyri-dəqiq olub. Klesio Baukun ötürməsindən sonra Davit Volkovun təhlükəli baş zərbəsi isə dirəkdən dönüb. Bir epizodda isə Amin Seydiyev qapını nişan almağa cəhd edib.
İkinci hissəyə daha fəal başlayan “qırmızı-qaralar” ardıcıl hücumlar təşkil edib. Gürcüstanlı legionerlər Merab Qiqauri və Davit Volkov ön xətdə daha fəal təsir bağışlayıblar. Onlar hərəyə bir neçə təhlükəli zərbə ilə diqqət mərkəzinə düşüblər. Merabın epizodların birində rəqib qapısından keçirdiyi top isə hakim tərəfindən qeydə alınmayıb. Asif Məmmədovla Klesio Bauk da rəqib qapısına həmlələrə kömək etsələr də, bu hücumlar qolla nəticələnməyib Görüşün sonu uğursuz alınıb. Öncə kapitan Anar Nəzirov zədə səbəbindən əvəzlənməli olub, ardınca ikinci sarı vərəqə alan Asif komandamızı azlıqda qoyub.
Beləliklə, “Qəbələ” Premyer Liqanın yeni mövsümünə 0:2 hesablı məğlubiyyətlə başlayıb.
“Qəbələ”
1. Anar Nəzirov (k)
(94. Tərlan Əhmədli, 78)
11. Asif Məmmədov
8. Qismət Alıyev
5. Rasim Ramaldanov
7. Roman Hüseynov
(14. Ülvi İsgəndərov, 32)
4. Sadiq Quliyev
99. Davit Volkov
21. Fernan Fereyra Lopez
77. Merab Qiqauri
10. David Klesio Bauk
2. Amin Seydiyev
Ehtiyat oyunçular:
6. Kamal Mirzəyev
28. Murad Musayev
19. Rövlan Muradov
20. Faiq Hacıyev
22. Rüstəm Nuriyev
15. Vüsal Məsimov
55. İdris İnqilablı
Baş məşqçi: Zaur Həşimov
“Sumqayıt”
1. Mehdi Cənnətov
22. Sərtan Taşqın
3. Vurğun Hüseynov (k)
6. Vüqar Mustafayev
(28. Səbuhi Abdullazadə, 86)
4. Şəhriyar Əliyev
14. Elvin Bədəlov
10. Əmir Ağayev
8. Peyman Babayi
70. Mehdi Şərifi
(9. Amil Yunanov, 73)
17. Murad Xaçayev
44. Elvin Cəfərquliyev
(18. Süleyman Əhmədov, 67)
Ehtiyat oyunçular:
13. Aydın Bayramov
2. Rail Məlikov
11. Elgün Nəbiyev
97. Xəyal Nəcəfov
7. Ehtiram Şahverdiyev
25. Baxşəli Baxşəliyev
20. Rüfət Abdullazadə
Baş məşqçi: Ayxan Abbasov
