“Qəbələ” – “Zirə” – 1:1
14 mart 2021. Saat 15:00. Qəbələ şəhər stadionu, tamaşaçısız
Baş hakim: Vüqar Həsənli
Baş hakimin köməkçiləri: Pərvin Talıbov, Cəmil Quliyev
Dördüncü hakim: Rəhim Həsənov
Hakim-inspektor: Feyzulla Feyzullayev
AFFA nümayəndəsi: Eldəniz Musayev
Sarı vərəqələr: Yurgen Qoxa, 67 (qeyri-idman hərəkəti); Nikolas Raysel, 87 (oyunun bərpasının ləngidilməsi); Cavid Hüseynov, 87 (hakimin qərarına etiraz) // Ağabala Ramazanov, 60 (hakimin qərarına etiraz); Riçard Almeyda, 72 (qeyri-idman hərəkəti); Dmitrios Çantakias, 90+1 (qeyri-idman hərəkəti); İlkin Muradov, 90+4 (qeyri-idman hərəkəti)
Qırmızı vərəqə: Merab Qiqauri, 29 (təcavüzkar davranış)
Qollar: Vinko Medimoreç, 23 // Fakundo Melivilo, 90+3
Artırılan vaxt: I hissədə 3 dəq; II hissədə 6 dəq.
Azərbaycan Premyer Liqasının XX turunun ikinci gününə start verilib. Günün ilk matçı Qəbələdə baş tutub. Milli komandaların oyunları ilə əlaqədar fasilə ərəfəsində son görüşünə çıxan “Qəbələ” öz meydanında “Zirə”ni qəbul edib. “Qırmızı-qaralar”ın start heyətində ötən turla müqayisədə dörd dəyişiklik olub. Anar Nəzirov, Yusif Nəbiyev, Vinko Medimoreç və İdris İnqilablı ilk dəqiqələrdən meydana çıxıb. Tərlan Əhmədli, Ehtiram Şahverdiyev, Yurgen Qoxa və Rüfət Əhmədov “11-lik”dən kənar qalıb.
Qarşılıqlı hücumlarla başlayan ilk yarının əvvəlində hər iki komanda bir neçə təhlükəli hücum qurub. Nikolas Raysel və Murad Musayevin zərbələri yaddaqalan olsa da, hər iki halda futbolçularımıza dəqiqlik çatmayıb. Asif Məmmədovun fərqlənməyinə isə rəqiblər mane olub. Hesab hissənin ortalarında açılıb. Asif Məmmədovun cərimə zərbəsindən sonra Merab Qiqaurinin toxunuşu ilə top Vinko Medimoreçin önünə düşüb. Onun cərimə meydanı daxilindən zərbəsi qarşısıalınmaz olub – 1:0. Bu, xorvatiyalı müdafiəçinin “Qəbələ”nin heyətində ilk qolu kimi yadda qalıb. Qoldan az sonra Merab Qiqauri qırmızı vərəqə alaraq “qırmızı-qaralar”ı azlıqda qoyub. Bundan bir neçə dəqiqə keçməmiş Asif Məmmədovun yaxın məsafədən zərbəsini rəqib qolkiper çətinliklə tutub. Hissənin ikinci yarısında qonaqlar daha fəal olsa da, “Qəbələ” futbolçuları müdafiədə etibarlı oynamaqla yanaşı kəskin hücumlar da təşkil edib.
İkinci hissənin əvvəlində “qırmızı-qaralar” ardıcıl iki qol imkanı əldə edib. Ceyms Adeniyidən ötürmə alan Nikolas Rayselin cərimə meydanı daxilindən zərbəsini rəqib qolkiper dəf edib. Az sonra Rafael Utriq yaxın məsafədən çərçivəyə düşməyib. Say üstünlüyünə malik olan qonaqlar məğlubiyyətdən qaçmaq üçün daha çox hücum edib. Belə epizodların birində Anar Nəzirov ustalığını nümayiş etdiribsə, bir dəfə də qapı dirəyi hesabın dəyişməsinə imkan verməyib. Nikolas Raysel sol cinahdan cərimə meydanına ötürməni qapadığı epizodda da top qapıdan az aralı keçib. Hissənin sonlarında Asif Məmmədov zədələndiyi üçün əvəzlənib. Hakimin final fitinə 5 dəqiqə qalmış təhlükəli əks-hücum Rövlan Muradovun qüvvətli zərbəsi ilə başa çatsa da, qapıçı topu dəf edib. Paytaxt təmsilçisi uzatma dəqiqələrində bərabərlik qoluna imza atıb. Fakundo Melivilo hesabda tarazlıq yaradıb.
Beləliklə, oyunun böyük hissəsini azlıqda keçirən “Qəbələ” 1:1 hesablı heç-heçə ilə bir xal qazanıb.
“Qəbələ”
1. Anar Nəzirov (k)
11. Asif Məmmədov
(14. Cavid Hüseynov, 82)
74. Yusif Nəbiyev
28. Murad Musayev
99. Ceyms Adeniyi
(13. Yurgen Qoxa, 65)
77. Merab Qiqauri
32. Nikolas Raysel
26. Stefan Vukçeviç
2. Vinko Medimoreç
23. Rafael Utriq
55. İdris İnqilablı
(10. Rövlan Muradov, 73)
Ehtiyat oyunçular:
94. Tərlan Əhmədli
5. Rasim Ramaldanov
70. Ülvi İsgəndərov
4. Sadiq Quliyev
7. Roman Hüseynov
9. Ehtiram Şahverdiyev
6. Kamal Mirzəyev
17. Yaovi Akakpo
20. Faiq Hacıyev
Baş məşqçi: Elmar Baxşıyev
“Zirə”
1. Mateus Albino
8. İlkin Muradov
10. Ağabala Ramazanov (k)
2. Sərtan Taşkın
32. Qismət Alıyev
30. Riçard Almeyda
(14. Fakundo Melivilo, 74)
11. Klesio Bauk
(17. Rodriqo Bonqonqui, 64)
12. Lazar Corceviç
(7. Tural Bayramlı, 36)
44. Dmitrios Çantakias
26. Nemanya Andelkoviç
29. Musa Qurbanlı
Ehtiyat oyunçular:
22. Rəşad Əzizli
62. Abdulla Seyidəhmədov
13. Şəhriyar Rəhimov
5. Kərim Diniyev
21. Hacıağa Hacılı
77. Cəlal Hüseynov
Baş məşqçi: Rəşad Sadıqov