“Qəbələ” – “Neftçi” – 0:2
5 noyabr 2023. Saat 16:00. Qəbələ şəhər stadionu, 850 tamaşaçı
Baş hakim: Kamal Umudlu
Baş hakimin köməkçiləri: Eyyub İbrahimov, Şirmamed Mamedov
Dördüncü hakim: Nicat İsmayıllı
VAR: Rəşad Əhmədov
AVAR: Elşad Abdullayev
Hakim-inspektor: Anar Salmanov
AFFA nümayəndəsi: Asif Əliyev
Sarı vərəqələr: Rauf Hüseynli, 23 (qeyri-idman hərəkəti); Gilad Abramov, 52 (qeyri-idman hərəkəti); Lukas Afriko, 56 (qeyri-idman hərəkəti); Əyyub Allaş, 69 (qeyri-idman hərəkəti) // Höccət Haqverdi, 12 (qeyri-idman hərəkəti); Reziuan Mirzov, 16 (hakimin qərarına etiraz); Mark Tamaş, 36 (qeyri-idman hərəkəti); İvan Brkiç, 90+2 (oyunun bərpasının ləngidilməsi)
Rəsmi şəxsə göstərilən sarı vərəqə: Babək Xuduyev (“Neftçi”) 49 (icazəsiz oyun meydançasına daxil olduğuna görə)
Qollar: Dieqo Valdez, 60; Rəhman Hacıyev, 90+4
Artırılan vaxt: I hissədə 2 dəq; II hissədə 6 dəq.
Misli Premyer Liqasında XII turun son oyun gününə start verilib. “Qəbələ” öz meydanında “Neftçi”ni qəbul edib. “Qırmızı-qaralar” Qəbələ şəhər stadionundakı matça ötən turla müqayisədə iki dəyişikliklə çıxıb.
Baş məşqçi Elmar Baxşıyev start heyətində İlkin Qırtımovla Osama Xalaylaya şans verib. Onlar “11-lik”də Zurab Oçiqava və Samuel Tettehi əvəzləyiblər.
Görüş qarşılıqlı hücumlarla başlayıb. Hər iki komanda ərazi üstünlüyü üçün mübarizə apararaq topa nəzarəti ələ almağa çalışıb. Lakin ilk 45 dəqiqədə qapılar önündə real qol vəziyyətləri çox olmayıb. Oyunun əvvəlində Rauf Hüseynli və Omar Haninin zərbələri yaddaqalan alınsa da, hesab dəyişməyib. Qonaqların hücumlarının qarşısını müdafiə xəttimiz alıb. Bir neçə dəfə Rəşad Əzizli inamlı oynayıb. Fasilə öncəsi “Qəbələ” hesabı açmağa yaxın olub. Sağ cinahda fəal olan Bilel Auaşeriyanın ardıcıl ötürmələrindən sonra Omar Hani iki dəfə qapını nişan alıb. Rəqib qolkiper topu kornerə çıxarmağı bacarıb.
İkinci hissəyə qonaqlar fəal başlayıb. Fasilədən sonra Rəşad Əzizli qısa müddətdə iki “seyv” edib. Bu hücumlar Bakı klubunun hesabı açması ilə nəticələnib. Dieqo Valdez hesabı açıb – 0:1. Buraxılan qoldan sonra komandamız oyunda dönüş yaratmağa çalışsa da, azarkeşlər qarşılıqlı hücumlar izləyiblər. Belə həmlələrin biri Lukas Afrikonun yaxın məsafədən baş zərbəsi ilə yekunlaşıb. Lakin müdafiəçiyə dəqiqlik çatmayıb. Elmar Baxşıyev əvəzetmələrlə oyunun axarını dəyişməyə çalışsa da, bu, bəhrəsini verməyib. Komandamız fəallığı artırsa da, qonaqların müdafiə xəttini yarmaq mümkün olmayıb. Matçın sonlarında Lukas Afriko və Bilel Auaşeriyanın qüvvətli zərbələrindən sonra top çərçivəyə düşməyib. Bakılılar isə uzatma dəqiqələrində Rəhman Hacıyevin qolu ilə fərqi artırıblar. Beləliklə, “qırmızı-qaralar” ev oyununda məğlub olub – 0:2.
“Qəbələ”
1. Rəşad Əzizli
2. İlkin Qırtımov
34. Urfan Abbasov (k)
14. Ülvi İsgəndərov
(19. Samuel Tetteh, 63)
5. Rauf Hüseynli
(3. Zurab Oçiqava, 80)
20. Bilel Auaşeriya
4. Lukas Afriko
9. Əyyub Allaş
(99. Ahmed Ayzaya, 74)
72. Osama Xalayla
(18. Mehrac Baxşalı, 80)
10. Omar Hani
(17. Yaovi Akakpo, 63)
8. Gilad Abramov
Ehtiyat oyunçular:
13. Kristof Atanqana
36. Elməddin Sultanov
11. Asif Məmmədov
28. Murad Musayev
12. Nicat Əliyev
33. Hüseyn Mürsəlov
Baş məşqçi: Elmar Baxşıyev
“Neftçi”
1. İvan Brkiç
10. Filip Ozobiç
(14. Eddi İsrafilov, 82)
8. Emin Mahmudov (k)
3. Höccət Haqverdi
7. Azər Əliyev
22. Reziuan Mirzov
(11. Kilan Lebon, 63)
4. Mark Tamaş
6. Dieqo Valdez
(23. Ataa Caber, 82)
5. Kenni Sayef
(17. Rəhman Hacıyev, 63)
25. Aaron Olanare
(77. Yeqor Boqomolski, 41)
99. Ervin Koffi
Ehtiyat oyunçular:
30. Aqil Məmmədov
93. Rza Cəfərov
19. Azər Salahlı
21. İsmayıl Zülfüqarlı
27. Fərid Yusifli
16. Lukas Melano
9. Andre Şinyaşiki
Baş məşqçi: Adrian Mutu
