“Qəbələ” – “Zirə” – 1:1
2 aprel 2017. Saat 18:30. Qəbələ şəhər stadionu, 800 tamaşaçı
Baş hakim: İnqilab Məmmədov
Baş hakimin köməkçiləri: İsgəndər Əliyev, Cavanşir Yusifov
Dördüncü hakim: Elvin Əsgərov
AFFA nümayəndəsi: Məmmədəli Məmmədov
Hakim-inspektor: Rövşən Əhmədov
Sarı vərəqələr: Vüqar Mustafayev, 65 (hakim qərarına etiraz); Anar Nəzirov, 90+1 (oyunun bərpasını ləngitdiyinə görə)
Qollar: Sergey Zenyov, 8 // Sezar Meza Kolli, 61
Artırılan vaxt: I hissədə 1 dəq.; II hissədə 4 dəq.
Bu gün Topaz Premyer Liqasında XXIV turun oyunları keçirilib. “Qəbələ” öz meydanında “Zirə” ilə qarşılaşıb. Çempionluq uğrunda mübarizə aparan “qırmızı-qaralar” matça ölkə kubokunun “İnter”lə görüşü ilə müqayisədə 3 dəyişikliklə çıxıb. Baş məşqçi Roman Qriqorçuk Nika Kvekveskiri, Sergey Zenyov və Cavid Hüseynovu ilk dəqiqələrdən meydana buraxıb. Əvəzində Asif Məmmədov, Teo Uiks və Daniel Subotiç “11-lik”dən kənar qalıb.
Qarşılaşmaya “Qəbələ” daha fəal başlayıb. Artıq 2-ci dəqiqədə Filip Ozobiçin cinahdan cərimə zərbəsi təhlükəli alınsa da, top qapı istiqamətində göndərilməyib. Az keçməmiş “qırmızı-qaralar” erkən qolunu vurub. Sergey Zenyov təxminən 22 metrdən qapını dəqiq nişan alıb. Cərimə meydanının qövsü önündən endirilən zərbə ilə vurulan qol estoniyalının “qırmızı-qara” formada 13-cü topu olub – 1:0. Buraxılan qoldan sonra qonaqlar fəallığı artırıb. Dumanlı hava şəraitində keçən matçı izləyənlər qarşılıqlı hücumlar şahid olublar. Öncə soldan ötürməni qapayan Tellur Mütəllimova azca dəqiqlik çatmayıbsa, ardınca Zenyovun baş zərbəsi dirəkdən dönüb. Hissənin ortalarında bir müddət üstünlüyə yiyələnən “Zirə” bir neçə dəfə fərqlənməyə yaxın olub. Son görüşlərlə müqayisədə işi nisbətən çox olan Dmitri Bezotosnı və müdafiə xətti bir neçə dəfə komandanı qoldan xilas edib. Sezar Meza Kollinin dirəkdən dönən cərimə zərbəsi və Vüqar Mustafayevin 23 metrdən qapıya göndərdiyi top yaddaqalan olub. Hissənin gedişində oyunda bərabərlik yaratmağa nail olan “Qəbələ” hesabı artırmaq üçün bir neçə imkan qazanıb. Cavid Hüseynovun cərimə meydanı daxilindən zərbəsini rəqib qapıçı tutmağa nail olubsa, Ozobiçin ötürməsindən sonra qapını nişan alan Ruslan Qurbanov tiri nişan alıb. Fasilə ərəfəsində qonaqları daha bir dəfə dirək xilas edib. Cərimə zərbəsindən qaldırılan topa yaxın məsafədən toxunuş olsa da, hesab dəyişməz qalıb.
Matçın ikinci hissəsi də qarşılıqlı hücumlarla başlayıb. Fasilədən sonra ilk təhlükəni “qırmızı-qaralar” yaradıb. Ozobiçin künc zərbəsindən qaldırdığı topa qapı önündə bir neçə toxunuş olsa da, çərçivəni dəqiq nişan alan olmayıb. Az sonra paytaxt təmsilçisi hesabda tarazlıq yaradıb. Sezar Meza Kolli təxminən 21 metrdən qapını dəqiq nişan alıb – 1:1. Buraxılan qoldan sonra “qırmızı-qaralar” böyük qüvvə ilə irəli atılıb. 63-cü dəqiqədə Zenyovun yaddaqalan baş zərbəsini qolkiper dəf edib. Fəallığı ilə seçilən Ozobiçin cərimə meydanına bir neçə ötürməsindən sonra qapı önündə gərginlik yaşansa da, futbolçularımız son nöqtəni qoya bilməyib. Nika Kvekveskirinin cərimə zərbəsi isə dirəyin yanından keçib. Qapanan qonaqlar isə sürətli əks-hücumlarda fərqlənməyə çalışıb. Hücumun kəsərini artırmaq istəyən Roman Qriqorçuk Daniel Subotiçi də meydana buraxıb. Lakin topa nəzarət edən “qırmızı-qaralar” rəqib qapısı önündə real qol vəziyyəti yaratmaqda çətinlik çəkib. Son dəqiqələrdə bakılılar qola yaxın olub. Qapıçı ilə üz-üzə qalan Vüsal İsgəndərli dəqiq zərbə vura bilməyib.
Beləliklə, “Qəbələ” “Zirə” ilə ev oyunundan qollu heç-heçə ilə ayrılıb – 1:1.
“Qəbələ”
22. Dmitri Bezotosnı
3. Voislav Stankoviç
6. Rəşad Sadiqov
7. Nika Kvekveskiri
(31. Daniel Subotiç, 71)
9. Sergey Zenyov
10. Ruslan Qurbanov
14. Cavid Hüseynov (k)
19. Filip Ozobiç
34. Urfan Abbasov
44. Rafael Santos
88. Tellur Mütəllimov
Ehtiyat oyunçular:
33. David Pietrzkeviç
8. Qismət Alıyev
11. Asif Məmmədov
17. Məhəmməd Mirzəbəyov
18. Baqali Dabo
77. Araz Abdullayev
Baş məşqçi: Roman Qriqorçuk
“Zirə”
1. Anar Nəzirov (k)
5. Adil Nağıyev
39. Sadiq Quliyev
23. Yovan Krneta
28. Təmkin Xəlilzadə
13. Aleksandr Şemonayev
6. Vüqar Mustafayev
8. Milan Duriç
(26. Georgi Qorozia, 81)
20. Sezar Meza Kolli
(17. Vüsal İsgəndərli, 90)
7. Amadu Sanqar
43. Riçard Qadze
(9. Nurlan Novruzov, 74)
Ehtiyat oyunçular:
85. Kamal Bayramov
44. Migel Lorenso
38. İlkin Muradov
21. Murad Səttarlı
Baş məşqçi: Ayxan Abbasov
