“Qəbələ” – “Zirə” – 1:1
16 oktyabr 2021. Saat 17:00. Qəbələ şəhər stadionu, 800 tamaşaçı
Baş hakim: Əliyar Ağayev
Baş hakimin köməkçiləri: Zeynal Zeynalov, Akif Əmirəli
Dördüncü hakim: Vüqar Həsənli
Hakim-inspektor: İmanxan Sultani
AFFA nümayəndəsi: Erkin Hüseynov
Sarı vərəqələr: Ruan Renato, fasilədə (hakimin qərarına etiraz); Fernan Lopes, 60 (qeyri-idman hərəkəti); İsnik Alimi, 62 (qeyri-idman hərəkəti) // Təmkin Xəlilzadə, 71 (qeyri-idman hərəkəti); Hacıağa Hacılı, 88 (qeyri-idman hərəkəti); Dmitrios Çantakias, oyundan sonra (qeyri-idman hərəkəti)
Rəsmi şəxsə göstərilən sarı vərəqə (“Qəbələ”): Rasim Ramaldanov, 77 (hakimin qərarına etiraz)
Qırmızı vərəqə: Ehtiram Şahverdiyev, oyundan sonra (təcavüzkar davranış)
Qollar: Ülvi İsgəndərov, 79 // Cəlal Hüseynov, 18
Artırılan vaxt: I hissədə 3 dəq; II hissədə 5 dəq.
Azərbaycan Premyer Liqasında VII tur başlayıb. “Qəbələ” I dövrədə son oyununu evdə keçirib. “Qırmızı-qaralar” turnir cədvəlindəki qonşusu “Zirə” ilə qarşılaşıb. Baş məşqçi Elmar Baxşıyev ötən turla müqayisədə start heyətində bir dəyişiklik edib. Yenidən komandamıza qayıdan ispaniyalı Fernan Lopes “11-lik”də Rövlan Muradovu əvəzləyib.
Görüşə qonaqlar daha fəal başlayıb. Matçın əvvəlində təşəbbüsə yiyələnən Bakı təmsilçisi 18-ci dəqiqədə hesabı açıb. “Qəbələ” ilk hissənin ortalarında oyunu bərabərləşdirsə də, real qol vəziyyətləri yaratmaqda çətinlik çəkib. Fasiləyədək ən yaddaqalan imkanı Rafael Utziq əldə etsə də, braziliyalı hesabı dəyişə bilməyib.
Baxşıyev fasilədən sonra əvəzetmələrlə oyunun axarını dəyişə bilib. “Qırmızı-qaralar” çoxsaylı sürətli hücumlar təşkil edib. Rafael Utziq və Ülvi İsgəndərov hərəsi bir neçə qol imkanını boşa verib. İsnik Aliminin zərbəsində isə dəqiqlik çatmayıb. Şimali makedoniyalının təşkil etdiyi hücumların biri Ülvi İsgəndərovun hesabı bərabərləşdirməsi ilə nəticələnib – 1:1. Bu, futbolçumuzun “Qəbələ”də yubiley – 10-cu qolu olub. Hesabda tarazlıq yaratdıqdan sonra Rafael Utziq və Fernan Lopesin zərbələri yaddaqalan olub. İlk epizodda rəqib qapıçı seyvlə diqqət çəkibsə, ispaniyalı hədəfə düşməyib. Beləliklə, Qəbələ şəhər stadionundakı qarşılaşma qollu sülhlə başa çatıb.
“Qəbələ”
94. Nicat Mehbalıyev
11. Asif Məmmədov (k)
(7. Ehtiram Şahverdiyev, 74)
28. Murad Musayev
27. Məqsəd İsayev
34. Urfan Abbasov
8. Stefan Vukçeviç
(14. Ülvi İsgəndərov, 46)
23. Rafael Utziq
5. İsnik Alimi
4. Ruan Renato
10. Omar Hani
(19. Rövlan Muradov, 62)
9. Fernan Lopes
Ehtiyat oyunçular:
1. Kristof Atanqana
36. Elməddin Sultanov
6. Kamal Mirzəyev
77. Emil Səfərov
33. Hüseyn Mürsəlov
Baş məşqçi: Elmar Baxşıyev
“Zirə”
1. Mehdi Cənnətov
8. İlkin Muradov
(32. Qismət Alıyev, 69)
2. Sertan Taşkın
21. Hacıağa Hacılı
19. Təmkin Xəlilzadə
91. Coşqun Diniyev
18. Davit Volkov
26. Nemanya Andelkoviç
47. Mohamed Hamdaui
(44. Dmitrios Çantakias, 86)
9. Loris Broqno
(10. Ağabala Ramazanov, 65)
4. Cəlal Hüseynov (k)
Ehtiyat oyunçular:
41. Anar Nəzirov
62. Abdulla Seydəhmədov
15. Ruslan Abışov
5. Rauf Hüseynli
51. Rüstəm Nuruyev
11. Velves Santos
13. Ramin Əhmədov
Baş məşqçi: Rəşad Sadıqov
