“Qəbələ” – “Keşlə” – 1:1
30 sentyabr 2018. Saat 18:00. Qəbələ şəhər stadionu, 500 tamaşaçı
Baş hakim: Rəvan Həmzəzadə
Baş hakimin köməkçiləri: Cavanşir Yusifov, İsgəndər Əliyev
Dördüncü hakim: Etibar Həsənov
Hakim-inspektor: Füzuli Nəcəfov
AFFA nümayəndəsi: Abas Hüseynov
Sarı vərəqələr: Voislav Stankoviç, 7 (qeyri-idman hərəkəti); Rasim Ramaldanov, 35 (qeyri-idman hərəkəti) // Edvinas Girdvainis, 3 (qeyri-idman hərəkəti); Nikola Mitroviç, 78 (qeyri-idman hərəkəti); Kamran Ağayev, 90+2 (oyunun bərpasını ləngitdiyinə görə)
Qollar: Stiven Monroz, 75 // Amil Yunanov, 5
Artırılan vaxt: I hissədə 1 dəq.; II hissədə 4 dəq.
Bu gün Topaz Premyer Liqasında VI turun növbəti oyunları keçirilir. Turun ikinci oyun gününə Qəbələdə start verilib. “Keşlə”ni qəbul edən “Qəbələ” növbəti ev matçına çıxıb. Baş məşqçi Sənan Qurbanov ötən turun “Qarabağ”la oyunu ilə müqayisədə start heyətində 4 dəyişiklik edib. Lalavele Atakora, Rasim Ramaldanov, Qismət Alıyev, Rauf Əliyev ilk dəqiqələrdən meydana çıxıb. Əvəzində Bəhlul Mustafazadə, Elvin Camalov, Ceyms Adeniyi və cəzalı durumda olan Təmkin Xəlilzadə “11-lik”dən kənar qalıb.
“Qəbələ” matça daha fəal başlayıb. Komandamız matçın 4-cü dəqiqəsində rəqibin cərimə meydanı yaxınlığından zərbə imkanı qazanıb. Qismət Alıyevin cərimə zərbəsindən ötürməsinin qarşısını qonaqlar ala bilib. Sürətli əks-hücum təşkil edən paytaxt təmsilçisi Amil Yunanovun qolu ilə hesabı açıb – 1:0. Buraxılan qoldan sonra təşəbbüsə yiyələnən “qırmızı-qaralar” daha çox hücum təşkil edib. Hissənin ortalarında Rauf Əliyevin iki zərbəsi diqqət çəkib. Öncə zərbəsi alınmayan hücumçunun ikinci cəhdinin qarşısını müdafiəçilər alıb. Künc zərbəsindən sonra Rasim Ramaldanovun baş zərbəsində isə dəqiqlik çatmayıb. Qonaqlar isə sürəli əks-hücumlar təşkil etməyə çalışıb. Stiven Monrozun rəqib qapıçı ilə üz-üzə qaldığı epizodda isə qolkiper onu qabaqlaya bilib. İlk yarıya artırılan vaxtda Lalavele Atakoranın uzaq məsafədən endirdiyi cərimə zərbəsi qüvvətli alınsa da, dirəyin yanından keçib.
Fasilədən sonra Ceyms Adeniyini meydana buraxan Sənan Qurbanov hücum xəttini gücləndirib. İkinci hissənin əvvəlində “qırmızı-qaralar” hesabda tarazlıq yaratmağa yaxın olub. Rəqibdən sıçrayan topa yiyələnən İlqar Qurbanov qapıçı ilə üz-üzə qalib. Onun yaxın məsafədən zərbəsini qolkiper dəf edib. Ardınca Stiven Monrozun cinahdan qapı önünə ötürməsi təhlükəli alınıb. Lakin rəqib qapıçı hamını qabaqlayıb. Qarşılıqlı hücumlar şəraitində keçən hissədə “Qəbələ”nin həmlələri daha yaddaqalan olub. Qismət Alıyevin cərimə meydanı xaricindən qüvvətli zərbəsini qapıçı çətinliklə qaytarıb, futbolçularımızın təkrar cəhdi isə topun müdafiəçiyə çarpması ilə nəticələnib. “Qırmızı-qaralar”ın hücumları 76-cı dəqiqədə bəhrəsini verib. Ceyms Adeniyidən ötürmə alan Stiven Monroz cərimə meydanı daxilindən qarşısıalınmaz zərbə endirib – 1:1. Hesabda tarazlıq yarandıqdan sonra da hər iki komanda hücumlarını davam etdirib. Matçın son dəqiqəsində Stiven Monroz əlverişli imkan qazanıb. Lakin onun dubla imza atmasına qapıçının inamlı oyunu mane olub. Uzatma dəqiqələrində isə komandalar hərəyə bir yaddaqalan zərbə ilə diqqət çəkib. Slavik Alxasov və Rauf Əliyevin qapı istiqamətində qüvvətli zərbələrində dəqiqlik çatmayıb.
Beləliklə, “Keşlə”ni qonaq edən “Qəbələ” mövsümdə ikinci heç-heçəsinə imza atıb – 1:1.
“Qəbələ”
22. Dmitri Bezotosnı
3. Voislav Stankoviç
5. Rasim Ramaldanov
8. Qismət Alıyev
10. Rauf Əliyev
14. Cavid Hüseynov (k)
18. İlqar Qurbanov
21. Atakora Lalavele
(17. Ceyms Adeniyi, 46)
28. Stiven Monroz
34. Urfan Abbasov
88. Sabien Lilay
Ehtiyat oyunçular:
23. Aqil Məmmədov
35. Murad Popov
7. Roman Hüseynov
11. Asif Məmmədov
26. Faiq Hacıyev
27. Bəhlul Mustafazadə
32. Amin Seydiyev
79. Əli Sadıxov
99. Abbas Ağazadə
Baş məşqçi: Sənan Qurbanov
“Keşlə”
1. Kamran Ağayev (k)
3. Denis Silva Kruz
4. Slavik Alxasov
9. Amil Yunanov
(88. Məmməd Quliyev, 82)
19. Azər Salahlı
21. Herve Tçami
(17. Samir Məsimov, 67)
22. Nikola Mitroviç
31. Georgios Georgiadis
(11. Bahodir Nasimov, 87)
65. Cabir Əmirli
90. Ebrima Sohna
93. Edvinas Girdvainis
Ehtiyat oyunçular:
30. Davud Kərimi
7. Vaqif Cavadov
10. Ruslan Nəsirli
18. Ruslan Əmircanov
33. Tərlan Quliyev
71. Emil Quliyev
72. Əsəd Məsimov
Baş məşqçi: Mladen Milinkoviç
