“Qəbələ” – “Sabah” – 0:0
1 aprel 2019. Saat 14:00. Qəbələ şəhər stadionu, 300 tamaşaçı
Baş hakim: Rauf Cabarov
Baş hakimin köməkçiləri: Yaşar Abbasov, Müslüm Əliyev
Dördüncü hakim: Nail Nağıyev
Hakim-inspektor: Ceyhun Haşımov
AFFA nümayəndəsi: Asif Əliyev
Sarı vərəqələr: Voislav Stankoviç, 10 (qeyri-idman hərəkəti); Asif Məmmədov, 40 (qeyri-idman hərəkəti) // Kərim Diniyev, 15 (perspektivli hücumun qarşısını aldığına görə), 90+1 (oyunun bərpasını ləngitdiyinə görə); Vadim Abdullayev, 26 (qeyri-idman hərəkəti); Coşqun Diniyev, 67 (qeyri-idman hərəkəti)
Qırmızı vərəqə: Kərim Diniyev, 90+1
Qollar: yoxdur
Artırılan vaxt: I hissədə - 1 dəq.; II hissədə - 4 dəq.
Bu gün Topaz Premyer Liqasında XXII turun ikinci oyun günü start götürüb. Günün ilk matçı Qəbələ şəhər stadionunda keçirilib. Mövsümün dördüncü dövrəsində ilk görüşünü keçirən “Qəbələ” öz meydanında “Sabah”la qarşılaşıb. “Qırmızı-qaralar” milli komandaların oyunları ilə əlaqədar yaranan fasilədən sonrakı ilk matçına ötən turla müqayisədə üç dəyişikliklə başlayıb. Bəhlul Mustafazadə, Vojislav Stankoviç, Asif Məmmədov yenidən ilk dəqiqələrdən meydana çıxıblar. Rasim Ramaldanov, Elvin Camalov, Amin Seydiyev isə start “11-liy”indən kənar qalıblar.
Oyun qarşılıqlı hücumlarla başlayıb. Hər iki qapı önündə bir neçə yaddaqalan epizod yaranıb. “Qəbələ”nin təşəbbüsü ələ almaq istədiyi anlarda isə qonaqların sürətli əks-hücumları təhlükə ilə nəticələnib. Bir neçə dəfə Dmitri Bezotosnı oyuna daxil olubsa, bir epizodda Bəhlul Mustafazadə rəqibin qapıçı ilə üz-üzə qalmasına əngəl olub. “Qırmızı-qaralar” isə Stiven Monroz və Rauf Əliyevin təhlükəli zərbələri ilə paytaxt klubunu narahat ediblər.
Fasilədən sonra oyunun ssenarisi dəyişməyib. İlk yarı ilə müqayisədə matçın tempi artsa da, futbolçular rəqib qapıları önündə real qol imkanları yaratmaqda çətinlik çəkiblər. Qarşılıqlı hücumlarla keçən ikinci yarının əvvəllərində “Sabah” daha fəal olsa da, “qırmızı-qaralar” görüşün axarını dəyişiblər. Sabien Lilayla Lalavele Atakoranın meydana daxil olmasından sonra meydan sahibləri üstünlüyə yiyələniblər. “Qəbələ” ardıcıl hücumlar təşkil edərək qələbə qazanmaq üçün çalışıb. Matçın sonluğunda Ceyms Adeniyinin cərimə meydanı daxilindən endirdiyi zərbəsi təhlükəli alınıb. Lakin top qapının üstündən keçib. Hakimin final fitinə qədər hücumları davam etdirən “Qəbələ” rəqibin müdafiə səddini yara bilməyib. Beləliklə, “qırmızı-qaralar” IV dövrəyə qolsuz sülhlə başlayıb.
“Qəbələ”
22. Dmitri Bezotosnı
34. Urfan Abbasov
18. İlqar Qurbanov
14. Cavid Hüseynov (k)
11. Asif Məmmədov
(88. Sabien Lilay, 74)
10. Rauf Əliyev
3. Vojislav Stankoviç
17. Ceyms Adeniyi
28. Stiven Monroz
9. Davit Volkov
(21. Atakora Lalavele, 71)
27. Bəhlul Mustafazadə
Ehtiyat oyunçular:
1. Anar Nəzirov
35. Murad Popov
5. Rasim Ramaldanov
4. Elvin Camalov
8. Qismət Alıyev
7. Roman Hüseynov
2. Amin Seydiyev
98. Rövlan Muradov
6. Rüstəm Nuruyev
77. Samir Qurbanov
Baş məşqçi: Zaur Həşimov
“Sabah”
30. Saşa Stamenkoviç
5. Kərim Diniyev
91. Coşqun Diniyev
(33. Eltun Turabov, 87)
17. Təmkin Xəlilzadə
7. Rəşad Eyubov
6. Vadim Abdullayev
(19. Məqsəd İsayev, 74)
10. Cavid İmamverdiyev (k)
13. Filip İvanoviç
25. Vanderson Silva
15. Erik Ramos
11. Elgün Nəbiyev
Ehtiyat oyunçular:
1. Tərlan Əhmədli
21. Novruz Məmmədov
4. Tərzin Cahangirov
88. Elçin Əsədov
12. Zahid Mərdanov
97. Emil Qasımov
77. Şakir Seyidov
Baş Məşqçi: Elşad Əhmədov
