“Qəbələ” – “Neftçi” – 0:0
10 fevral 2023. Saat 15:00. Qəbələ şəhər stadionu, 300 tamaşaçı
Baş hakim: Fərid Hacıyev
Baş hakimin köməkçiləri: Akif Əmrəli, Zöhrab Abbasov
Dördüncü hakim: Tural Qurbanov
VAR: Rauf Cabarov
AVAR: Namiq Hüseynov
Hakim-inspektor: Ömər Paşayev
AFFA nümayəndəsi: Maşallah Əhmədov
Sarı vərəqələr: Feras Abu Akal, 40 (qeyri-idman hərəkəti); Felipe Santos, 46 (qeyri-idman hərəkəti)
Qol: yoxdur
Artırılan vaxt: I hissədə 1 dəq; II hissədə 4 dəq.
Bu gün Misli Premyer Liqasında XXII tura start verilib. “Qəbələ” turun ilk günündə “Neftçi” ilə qarşılaşıb.
“Qırmızı-qaralar” Qəbələ şəhər stadionundakı matça ötən turla müqayisədə iki dəyişikliklə çıxıb. Asif Məmmədov və Ruan Renato ilk dəqiqələrdən heyətdə olub. Onlar Rövlan Muradovla Emil Səfərovu əvəzləyib.
Görüş qarşılıqlı hücumlarla başlayıb. Hər iki komanda meydana 3 xal üçün çıxdığını ilk dəqiqələrdən nümayiş etdirib. Ardıcıl hücumlar quran komandalar fasiləyədək təhlükəli epizodlar yaratmaqda çətinlik çəkib. Felipe Santos və Asif Məmmədovun əldə etdiyi imkanlar yaddaqalan olsa da, hücumlar dəqiq zərbə ilə bitməyib. Qonaqların hücumlarının qarşısını isə müdafiəçilər inamla alıb. Bir neçə epizodda isə Səlahət Ağayev etibarlı oynayıb.
İkinci hissə daha sürətli alınıb. Xüsusilə də “qırmızı-qaralar”ın hücumları kəsərli alınıb. Felipe Santos və Rövlan Muradovun zərbələri yaddaqalan, amma qeyri-dəqiq olub. Urfan Abbasovun ötürməsindən sonra Asif Məmmədovun baş zərbəsi zamanı top dirəkdən dönüb. İkinci hissədə ərazi üstünlüyünə malik komandamız penalti də qazanıb. Lakin Rövlan Muradova qarşı epizodda təyin olunan zərbə VAR müdaxiləsi ilə ləğv edilib. Qonaqların hücumlarının qarşısını inamla alan “Qəbələ” hakimin final fitinə qədər qol vurmağa çalışsa da, hesab dəyişməz qalıb. Beləliklə, Qəbələ şəhər stadionundakı matç qolsuz heç-heçə ilə başa çatıb.
“Qəbələ”
1. Səlahət Ağayev
11. Asif Məmmədov (k)
(77. Emil Səfərov, 80)
2. İlkin Qırtımov
34. Urfan Abbasov
27. Məqsəd İsayev
4. Ruan Renato
5. İsnik Alimi
23. Rafael Utziq
(7. Rövlan Muradov, 63)
97. Felipe Santos
(17. Yaovi Akakpo, 87)
6. Feras Abu Akal
10. Omar Hani
(14. Ülvi İsgəndərov, 63)
Ehtiyat oyunçular:
36. Elməddin Sultanov
28. Murad Musayev
33. Hüseyn Mürsəlov
91. Ramon Maçado
8. Andrey Strijak
Baş məşqçi: Elmar Baxşıyev
“Neftçi”
1. İvan Brkiç
8. Emin Mahmudov (k)
3. Höccət Haqverdi
19. Azər Salahlı
(21. İsmayıl Zülfüqarlı, 67)
7. Azər Əliyev
6. Voyislav Stankoviç
4. Solomon Kverkveliya
5. Kenni Sayef
23. Ataa Caber
22. Kilan Lebon
(10. Sezar Meza Kolli, 87)
9. Mateus Saldanya
Ehtiyat oyunçular:
30. Aqil Məmmədov
93. Rza Cəfərov
26. Ömər Buludov
2. Mert Çelik
37. Elton Əlibəyli
41. Samir Həsənov
78. Elcan Əbilov
18. Vato Arveladze
77. Yeqor Boqomolski
16. Gilyerme Pato
Baş məşqçi: Laurentsiu Regekampf
