“Qəbələ” – “Zirə” – 0:0
2 dekabr 2018. Saat 17:00. Qəbələ şəhər stadionu, 250 tamaşaçı
Baş hakim: Vüqar Həsənli
Baş hakimin köməkçiləri: Namiq Hüseynov, Cəmil Quliyev
Dördüncü hakim: Rövşən Rəcəbov
Hakim-inspektor: Asim Xudiyev
AFFA nümayəndəsi: Namiq Məstanov
Sarı vərəqələr: Urfan Abbasov, 47 (qeyri-idman hərəkəti); Təmkin Xəlilzadə, 52 (hakimin qərarına etiraz); Elvin Camalov, 54 (qeyri-idman hərəkəti); Cavid Hüseynov, 90 (hakimin qərarına etiraz) // Pərdis Fərcad-Azad, 15 (qeyri-idman hərəkəti); İlkin Muradov, 39 (qeyri-idman hərəkəti); Bilal Həmdi, 39 (hakimin qərarına etiraz); 61 (qeyri-idman hərəkəti); Kamal Mirzəyev, 61 (hakimin qərarına etiraz)
Qırmızı vərəqə: Bilal Həmdi, 61
Qollar: Yoxdur
Artırılan vaxt: I hissədə - 1 dəq.; II hissədə - 3 dəq.
Bu gün Topaz Premyer Liqasında XIII tura yekun vurulacaq. Günün ilk matçı isə Qəbələdə keçirilib. Dünən start götürən, lakin əlverişsiz hava şəraiti üzündən 58-ci dəqiqədə dayandırılan “Qəbələ” – “Zirə” matçı bu gün davam etdirilib.
“Qırmızı-qaralar” bu qarşılaşmaya ötən turla müqayisədə bir dəyişikliklə çıxıb. Cəzalı Ceyms Adeniyinin yoxluğunda Asif Məmmədov start “11-liy”ində yer alıb. Oyuna qonaqlar nisbətən fəal başlayıb, bir neçə yaddaqalan hücum təşkil edib. Lakin komandamız oyunu tarazlaşdırmağa nail olub. Qarşılıqlı hücumlarla keçən ilk yarıda “Qəbələ” hesabı açmaq üçün qol imkanı da əldə edib. Lakin hücum mərkəz müdafiəçiləri Vojislav Stankoviçlə Bəhlul Mustafazadə zərbə anında bir-birinə mane olub. İkinci hissənin əvvəli də eyni məcrada – qarşılıqlı hücumlarla davam etsə də, görüş dayandırılana qədər rəqiblərdən heç biri real qol vəziyyəti yaratmayıb.
Qəbələ şəhər stadionundakı qatı duman üzündən davam etdirilə bilməyən matçın son 32 dəqiqəsinə bu gün start verilib. Görüşün son bölümü qarşılıqlı hücumlarla başlayıb. 61-ci dəqiqədə ikinci sarı vərəqə alan Bilal Həmdi qonaqları azlıqda qoyub. Bundan sonra “qırmızı-qaralar” hücumlarının sayını artırıb. Amma rəqib qapısına yol tapmaq mümkün olmayıb.
Beləliklə, “Qəbələ” Topaz Premyer Liqasında mövsümün ilk yarısının son ev oyununda qolsuz sülhə imza atıb.
“Qəbələ”
22. Dmitri Bezotosnı
3. Voislav Stankoviç
4. Elvin Camalov
11. Asif Məmmədov
14. Cavid Hüseynov (k)
21. Atakora Lalavele
(10. Rauf Əliyev, 80)
27. Bəhlul Mustafazadə
28. Stiven Monroz
33. Təmkin Xəlilzadə
34. Urfan Abbasov
88. Sabien Lilay
Ehtiyat oyunçular:
30. Aqil Məmmədov
35. Murad Popov
2. Amin Seydiyev
5. Rasim Ramaldanov
7. Roman Hüseynov
8. Qismət Alıyev
26. Faiq Hacıyev
79. Əli Sadıxov
99. Abbas Ağazadə
Baş məşqçi: Sənan Qurbanov
“Zirə”
1. Anar Nəzirov
2. İlkin Qırtımov
7. Pərdis Fərcad-Azad
(77. Mirsahib Abbasov, 80)
8. Kamal Mirzəyev
9. Aleksandr Dedov
10. Sadio Tounkara
26. Miloş Radivoyeviç
27. Adrian Skarlatake
38. İlkin Muradov
88. Tellur Mütəllimov
91. Bilal Həmdi
Ehtiyat oyunçular:
85. Kamal Bayramov
11. Dilan Duvetru
17. Vüsal İsgəndərli
39. Sadiq Quliyev
47. Əmrah Bayramov
3. Budaq Nəsirov
Baş məşqçi: Samir Abasov
