“Qəbələ” – “Qarabağ” – 1:2
7 aprel 2019. Saat 14:00. Qəbələ şəhər stadionu, 1600 tamaşaçı
Baş hakim: Səbuhi Bayramov
Baş hakimin köməkçiləri: Yaşar Abbasov, Müslüm Əliyev
Dördüncü hakim: Kamal Umudlu
Hakim-inspektor: Şahin Cəfərov
AFFA nümayəndəsi: Şaiq Həmidov
Sarı vərəqələr: Davit Volkov, 24 (qeyri-idman hərəkəti); Voislav Stankoviç, 26 (qeyri-idman hərəkəti); Rauf Əliyev, 75 (qeyri-idman hərəkəti) // Bədavi Hüseynov, 58 (qeyri-idman hərəkəti); Donald Qerye, 67 (qeyri-idman hərəkəti)
Qollar: Rauf Əliyev, 23 // Donald Qerye, 3; Araz Abdullayev, 83
Artırılan vaxt: I hissədə - 1 dəq.; II hissədə - 2 dəq.
Topaz Premyer Liqasında XXIII turun ikinci oyun gününə start verilib. Günün ilk qarşılaşması Qəbələ şəhər stadionunda keçirilib. Son ölkə çempionu “Qarabağ”la qarşılaşan “Qəbələ” mövsümdə növbəti sınağına çıxıb. “Qırmızı-qaralar” ötən turla müqayisədə görüşə iki dəyişikliklə başlayıb. Start heyətinə qayıdan Elvin Camalovla Amin Seydiyev “11-lik”də İlqar Qurbanov və Asif Məmmədovu əvəzləyiblər.
Matç qonaqların erkən qolu ilə başlayıb. Donald Gerye 3-cü dəqiqədə yaxın məsafədən qapını nişan alıb. Hesabda geri düşən “Qəbələ” bərabərlik qolu üçün rəqib qapısına həmlələr təşkil edib. Lakin qarşılıqlı hücumlarla keçən ilk yarı təhlükəli vəziyyətlərlə zəngin olmayıb. Hissənin ortalarında rəqibdən topu alan futbolçularımızın qurduğu hücum Stiven Monrozun cərimə meydanına daxil olması ilə davam edib. Üç rəqibin arasında olan hücumçudan sıçrayan top Rauf Əliyevə düşüb ki, onun 16 metrdən endirdiyi zərbə dəqiq olub – 1:1. “Qarabağ”ın cüzi ərazi üstünlüyü ilə keçən ilk yarıda rəqiblər hərəyə bir qüvvətli zərbə ilə də diqqət çəkiblər. Stiven Monroz və Dani Kintananın fərqlənməsinə qapıçılar imkan verməyib.
İkinci hissə daha sürətli başlayıb. “Qırmızı-qaralar” fasilədən sonra ardıcıl bir neçə dəfə rəqib müdafiəsinə gərgin epizodlar yaradıb. Cinahla irəliləyən Ceyms Adeniyinin ötürməsini futbolçularımızın qapamasına Riçard Almeyda imkan verməyib. Ardınca Stiven Monrozla Rauf Əliyevin zərbələri yaddaqalan olub. Ardınca təşəbbüsə yiyələnən qonaqlar daha çox hücumlar təşkil edib. Dmitri Bezotosnı bir neçə dəfə rəqib zərbəsinin qarşısını almalı olub. O, Donald Geryenin yaxın məsafədən zərbəsinə də reaksiya verib. “Qırmızı-qaralar” isə sürətli əks-hücumlarla hesabı dəyişməyə çalışıb. Sağ cinahdan bir neçə reyd edən Davit Volkovi rəqibə xeyli çətinlik yaşadıb. Stiven Monrozun qapı istiqamətində bir neçə zərbəsi də təhlükəli alınıb. Hakimin final fitinə 7 dəqiqə qalmış “Qarabağ” qələbə qolunu vurmağa nail olub. Qonaqları Araz Abdullayev hesabda önə çıxarıb. Qəbələ şəhər stadionundakı üçüncü qoldan sonra azarkeşlər qarşılıqlı hücumlar izləyiblər. Lakin hesab dəyişməyib və üç qolun vurulduğu görüş qonaqların qələbəsi ilə başa çatıb – 2:1.
“Qəbələ”
22. Dmitri Bezotosnı
34. Urfan Abbasov
14. Cavid Hüseynov (k)
(21. Atakora Lalavele, 86)
4. Elvin Camalov
10. Rauf Əliyev
3. Voislav Stankoviç
17. Ceyms Adeniyi
28. Stiven Monroz
9. Davit Volkov
27. Bəhlul Mustafazadə
2. Amin Seydiyev
Ehtiyat oyunçular:
1. Anar Nəzirov
35. Murad Popov
5. Rasim Ramaldanov
18. İlqar Qurbanov
11. Asif Məmmədov
88. Sabien Lilay
8. Qismət Alıyev
7. Roman Hüseynov
98. Rövlan Muradov
6. Rüstəm Nuruyev
77. Samir Qurbanov
Baş məşqçi: Zaur Həşimov
“Qarabağ”
13. Vaqner da Silva
55. Bədavi Hüseynov
14. Rəşad Sadıqov (k)
5. Maksim Medvedev
20. Riçard Almeyda
17. Abdullah Zubir
77. Donald Gerye
19. Filip Ozobiç
(6. Simeon Slavçev, 87)
8. Markos Madera
10. Dani Kintana
(9. Araz Abdullayev, 79)
11. Mahir Mədətov
Ehtiyat oyunçular:
12. Şahruddin Məhəmmədəliyev
94. Nicat Mehbalıyev
4. Rahil Məmmədov
30. Abbas Hüseynov
2. Qara Qarayev
7. İnnosent Emeqara
99. Reynaldo Silva
18. İsmayıl İbrahimli
21. Hacıağa Hacılı
Baş məşqçi: Qurban Qurbanov
