“Qəbələ” – “Keşlə” – 1:2
2 fevral 2020. Saat 15:00. Qəbələ şəhər stadionu, 200 tamaşaçı
Baş hakim: Səbuhi Bayramov
Baş hakimin köməkçiləri: Müslüm Əliyev, Eyyub İbrahimov
Dördüncü hakim: Rauf Allahverdiyev
Hakim-inspektor: Ömər Paşayev
AFFA nümayəndəsi: Seymur Səlimli
Sarı vərəqələr: Sadiq Quliyev, 63 (qeyri-idman hərəkəti); Abdelrafik Cerard, 90+3 (qeyri-idman hərəkəti); Ülvi İsgəndərov, 90+5 (qeyri-idman hərəkəti) // Con Kamara, 57 (qeyri-idman hərəkəti); Lorenzo Frutos, 67 (oyunun bərpasının ləngildilməsi); Sezar Meza Kolli, 88 (oyunun bərpasının ləngildilməsi); Tural Bayramlı, 90+4 (qeyri-idman hərəkəti); Şahrux Qadoyev, 90+7 (oyunun bərpasının ləngildilməsi)
Qollar: İviça Juniç, 60 // Miyusko Boyoviç, 35; Sezar Meza Kolli, 40
Artırılan vaxt: I hissədə yoxdur; II hissədə 6 dəq.
“Qəbələ” mövsümün ikinci yarısına start verib. “Qırmızı-qaralar” Azərbaycan Premyer Liqasının XV turunda “Keşlə” ilə qarşılaşıb. Oyun Qəbələ şəhər stadionunda baş tutub. Komandamız ötən il baş tutan son turla müqayisədə matça 5 dəyişikliklə başlayıb. Belə ki, qapıçı Tərlan Əhmədli, həmçinin Asif Məmmədov, Sadiq Quliyev, Amin Seydiyev və Ehtiram Şahverdiyev ilk dəqiqələrdən meydana çıxıb.
Görüş qarşılıqlı hücumlarla başlayıb. Lakin qapılar önündə uzun müddət təhlükəli vəziyyət yaranmayıb. İlk yarının gedişində paytaxt təmsilçisi cüzi üstünlüyə yiyələnə bilib. 25-ci dəqiqədə Rövlan Muradovun iti bucaq altında cərimə zərbəsindən qapıya göndərdiyi topu qapıçı dəf edib. Hissənin sonları daha yaddaqalan olub. Öncə bakılılar hesabı açıblar. Az keçməmiş komanda yoldaşından ötürmə alan Ehtiram Şahverdiyev rəqib qapıçı ilə üz-üzə qalıb. Əlverişli imkanı qaçıran futbolçumuz çərçivəyə düşə bilməyib. “Keşlə” isə ikinci qol imkanından da yaralanaraq fərqi artırıb. Bundan sonra “qırmızı-qaralar” fərqlənməyə yaxın olub. Öncə Rövlan Muradov, ardınca Klesio Bauk qapını nişan alsa da, rəqib qolkiper hər iki zərbəni qaytarıb. Fasilə ərəfəsində Baukun qapı önünə ötürməsi də təhlükəli alınsa da, bakılılar topun qarşısını alıblar.
İkinci hissəyə daha fəal başlayan “Qəbələ” oyunda dönüş yaratmaq üçün irəli atılıb. Hissənin əvvəlində Merab Qiqaurinin əlverişli mövqedən zərbə endirməsinin qarşısını rəqib futbolçular alıb. Yusif Nəbiyev isə cərimə meydanı daxilindən topa istənilən kimi toxuna bilməyib. Künc zərbəsindən sonra başla rəqib qapısına yol tapan İvitsa Juniç isə fərqi minimuma endirib. Bu qoldan sonra hücumlarının sayını daha da artıran “qırmızı-qaralar” qonaqların təhlükəli əks-həmlələrinin də qarşısını almağı bacarıb. Bir neçə dəfə Tərlan Əhmədli, matçın sonlarında isə qapı tiri paytaxt təmsilçisinin fərqlənməsinə imkan verməyib. “Qəbələ” isə dəfələrlə hesabda tarazlıq yaratmağa yaxın olub. Lakin Amin Seydiyevlə Klesio Baukun zərbələri istənilən kimi alınmayıb. Asif Məmmədov isə hədəfə düşə bilməyib. Oyuna sonradan daxil olan Ülvi İsgəndərov və Abdelrafik Jerarda hücum xəttində fəallığı artırıblar. Lakin “Keşlə”nin müdafiə xətti etibarlı oynayaraq hesabın dəyişməsinə əngəl olublar. Beləliklə, “Qəbələ” mövsümün ikinci yarısına 1:2 hesablı ev məğlubiyyəti ilə başlayıb.
“Qəbələ”
94. Tərlan Əhmədli
11. Asif Məmmədov (k)
(12. Abdelrafik Cerard, 80)
74. Yusif Nəbiyev
4. Sadiq Quliyev
9. Ehtiram Şahverdiyev
(14. Ülvi İsgəndərov, 69)
3. İviça Juniç
10. Klesio Bauk
77. Merab Qiqauri
21. Fernan Lopez
19. Rövlan Muradov
2. Amin Seydiyev
Ehtiyat oyunçular:
33. Müşfiq Nadirov
28. Murad Musayev
55. İdris İnqilablı
27. Samir Məhərrəmli
Baş məşqçi: Azər Bağırov
“Keşlə”
1. Stanislav Namaşko
4. Slavik Alxasov (k)
17. Vüsal İsgəndərli
2. İlkin Qırtımov
22. Əfran İsmayılov
(3. Cabir Əmirli, 67)
25. Con Kamara
21. Miyusko Boyoviç
5. Franko Flores
10. Sezar Meza Kolli
(30. Şaxruh Qadoyev, 88)
9. Lorenzo Frutos
(42. Aleksandr Kristovao, 67)
7. Tural Bayramlı
Ehtiyat oyunçular:
94. Rəşad Əzizli
33. Tərlan Quliyev
18. Ruslan Əmircanov
19. Azər Salahlı
90. Orxan Fərəcov
97. Xəzər Mahmudov
Baş məşqçi: Tərlan Əhmədov
