“Qəbələ” – “Kəpəz” – 0:3
9 dekabr 2023. Saat 15:00. Qəbələ şəhər stadionu, 250 tamaşaçı
Baş hakim: İnqilab Məmmədov
Baş hakimin köməkçiləri: Rahil Ramazanov, Rəhman İmami
Dördüncü hakim: Kamran Əliyev
VAR: Nicat İsmayıllı
AVAR: Kamran Bayramov
Hakim-inspektor: Anar Salmanov
AFFA nümayəndəsi: Emin Cəfərov
Sarı vərəqələr: Lukas Afriko, 21 (qeyri-idman hərəkəti); Emil Səfərov, 45+2, 49 (qeyri-idman hərəkəti); Bilel Auaşeriya, 90+1 (qeyri-idman hərəkəti) // Mate Kvirkviya, 65 (qeyri-idman hərəkəti); Vüsal Məsimov, 71 (qeyri-idman hərəkəti)
Qırmızı vərəqə: Emil Səfərov, 49
Rəsmi şəxsə göstərilən sarı vərəqə: Xaqani Məmmədov, 37 (“Qəbələ”) (hakimin qərarına etiraz)
Qollar: Georgi Papunaşvili, 6, 72; Adama Niane, 70
Artırılan vaxt: I hissədə 2 dəq; II hissədə 3 dəq.
“Qəbələ” Misli Premyer Liqasında növbəti oyununu keçirib. “Qırmızı-qaralar” XVI turda “Kəpəz”lə görüşüb. Turun ikinci günündə baş tutan qarşılaşma Qəbələ şəhər stadionunda təşkil olunub.
Komandamız meydana ötən turla müqayisədə bir dəyişikliklə başlayıb. Murad Musayev start heyətində yer alıb. O, “11-lik”də İlkin Qırtimovu əvəzləyib.
Qarşılaşma “Qəbələ”nin hücumları ilə başlayıb. İlk dəqiqələrdə Omar Hani və Bilel Auaşeriyanın zərbələri yaddaqalan alınıb. Sonuncunun yaxın məsafədən qapıya göndərdiyi topu qolkiper dəf edib. Əks-hücumları təhlükəli alınan qonaqlar 6-cl dəqiqədə erkən qol vurublar.
Buraxılan topdan sonra da “qırmızı-qaralar” ardıcıl hücumlar təşkil edib. Rauf Hüseynli, Samuel Tetteh, Bilel Auaşeriyanın zərbələri çərçivəyə düşməyib. Hissənin ortalarında Ahmed Ayzaya zədə səbəbindən matçı davam etdirə bilmədiyi üçün əvəzlənib. “Kəpəz”in sürətli əks-hücumlarının önünü kəsən komandamız bərabərlik qolu vurmaq üçün böyük qüvvə ilə irəli atılsa da, fasiləyədək hesab dəyişməz qalıb.
İkinci hissə qarşılıqlı hücumlarla başlayıb. “Qəbələ”nin azlıqda qalmasından sonra fəallaşan qonaqlar daha təhlükəli hücumlar təşkil edib. “Qırmızı-qaralar” hesabı bərabərləşdirmək imkanları qazansa da, fərqlənə bilməyib.
Samuel Tettehin yaxın məsafədən baş zərbəsini qolkiper dəf edib. Gəncə təmsilçisi isə ardıcıl iki sürətli hücumu dəqiq zərbə ilə tamamlayıb.
Hissənin ikinci yarısı hər iki komandanın hücumları ilə yadda qalıb. Komandamız oyunda dönüş yaratmağa çalışsa da, ön xətdəki top itkiləri buna imkan verməyib. Bilel Auaşeriyanın qüvvətli zərbəsi isə dəqiq olmayıb. Qonaqların fərqi artırmasına isə Rəşad Əzlizlinin seyvləri imkan verməyib. Beləliklə, üç qolun vurulduğu görüşdə qonaqlar qələbə qazanıblar – 3:0.
“Qəbələ”
1. Rəşad Əzizli
34. Urfan Abbasov (k)
28. Murad Musayev
5. Rauf Hüseynli
(3. Zurab Oçiqava, 46)
20. Bilel Auaşeriya
4. Lukas Afriko
99. Ahmed Ayzaya
(7. Emil Səfərov, 23)
19. Samuel Tetteh
9. Əyyub Allaş
10. Omar Hani
(14. Ülvi İsgəndərov, 72)
8. Gilad Abramov
(11. Asif Məmmədov, 46)
Ehtiyat oyunçular:
13. Kristof Atanqana
36. Elməddin Sultanov
2. İlkin Qırtımov
12. Nicat Əliyev
33. Hüseyn Mürsəlov
18. Mehrac Baxşalı
72. Osama Xalayla
17. Yaovi Akakpo
Baş məşqçi: Elmar Baxşıyev
“Kəpəz”
96. İqor Rodriqes
7. Ehtiram Şahverdiyev
14. Elçin Əlicanov
4. Vüsal Məsimov
8. Elmir Tağıyev
(3. Vurğun Hüseynov, 89)
88. Şakir Seyidov
(91. Latir Fal, 76)
26. Adama Niane
(15. Cavad Kərimov, 83)
25. Georgi Papunaşvili
(99. Əli Səmədov, 89)
9. Mate Kvirkviya
(10. Tural Rzayev, 83)
78. Yeqor Xvalko (k)
21. Martins Junior
Ehtiyat oyunçular:
1. Vladislav Vasilyuçek
12. Kamran İbrahimov
20. Mahir Həsənov
6. Nemət Musayev
22. Rüfət Əhmədov
Baş məşqçi: Adil Şükürov
