“Kəpəz” – “Qəbələ” – 2:1
23 fevral 2024. Saat 17:00. Qəbələ şəhər stadionu, 1370 tamaşaçı
Baş hakim: Rəvan Həmzəzadə
Baş hakimin köməkçiləri: Namiq Hüseynov, Kamran Bayramov
Dördüncü hakim: Cavid Cəlilov
VAR: Elçin Məsiyev
AVAR: Müslüm Əliyev
Hakim-inspektor: Orxan Məmmədov
AFFA nümayəndəsi: Zümrüd Ağayeva
Sarı vərəqələr: Georgi Papunaşvili, 24 (qeyri-idman hərəkəti); Vüsal Məsimov, 84 (oyunun bərpasının ləngidilməsi) // Zurab Oçiqava, 18 (qeyri-idman hərəkəti); Feras Abu Akal, 21 (qeyri-idman hərəkəti); Murad Musayev, 78 (qeyri-idman hərəkəti); Emil Səfərov, 90+2 (qeyri-idman hərəkəti)
Qollar: Georgi Papunaşvili, 19; Amil Yunanov, 66 (p.) // Osama Xalayla, 44
Artırılan vaxt: I hissədə 3 dəq; II hissədə 9 dəq.
“Qəbələ” növbəti oyununu keçirib. Komandamız Misli Premyer Liqasının XXIV turunda “Kəpəz”lə görüşüb. Gəncə təmsilçisinin ev oyunu Qəbələ şəhər stadionunda baş tutub.
Görüş qarşılıqlı hücumlarla başlayıb. Hər iki komanda təhlükəli hücumlar qursa da, hesab yalnız ilk hissənin ortalarında açılıb.
Matçdakı ilk qola “Kəpəz” imza atıb. Georgi Papunaşvili 19-cu dəqiqədə fərqlənib. Buraxılan qoldan sonra “qırmızı-qaralar” fəallığı artırıb. Oyunda dönüş yaratmağa çalışan “Qəbələ” istəyinə fasilə ərəfəsində çatıb. Osama Xalayla 44-cü dəqiqədə hesaba tarazlıq gətirib.
İkinci hissədə də “Qəbələ”nin qol epizodları olub. Lakin futbolçularımız hesabda önə keçmək imkanlarından yararlana bilməyib. Görüşün ikinci yarısı mübahisəli hakim qərarları ilə də yadda qalıb. Hissənin ortalarında isə Gəncə təmsilçisi penalti ilə yenidən önə çıxıb. Amil Yunanov 66-cı dəqiqədə fərqlənib.
Bu topdan sonra hesaba tarazlıq gətirmək üçün hücumlar quran “qırmızı-qaralar” oyunda dönüş yarada bilməyib. Beləliklə, komandamız Qəbələ şəhər stadionunda nominal qonaq qismində çıxdığı matçdan xalsız ayrılıb – 1:2.
“Kəpəz”
96. İqor Rodriqes
29. Amil Yunanov
(26. Adama Niane, 76)
7. Ehtiram Şahverdiyev
14. Elçin Əlicanov
4. Vüsal Məsimov
88. Şakir Seyidov
25. Georgi Papunaşvili
(10. Tural Rzayev, 81)
9. Mate Kvirkviya
(8. Elmir Tağıyev, 76)
78. Yeqor Xvalko (k)
24. Olavale Onanuqa
(91. Latir Fal, 81)
21. Martins Junior
(22. Rüfət Əhmədov, 89)
Ehtiyat oyunçular:
12. Kamran İbrahimov
18. Elgün Bayramov
3. Vurğun Hüseynov
99. Əli Səmədov
47. Ədilxan Qarəhmədov
6. Nemət Musayev
33. Camal Cəfərov
Baş məşqçi: Adil Şükürov
“Qəbələ”
13. Kristof Atanqana
2. İlkin Qırtımov
34. Urfan Abbasov (k)
5. Rauf Hüseynli
(11. Asif Məmmədov, 82)
7. Emil Səfərov
20. Bilel Auaşeriya
(18. Mehrac Baxşalı, 82)
3. Zurab Oçiqava
(28. Murad Musayev, 73)
19. Samuel Tetteh
(14. Ülvi İsgəndərov, 18)
6. Feras Abu Akal
(99. Ahmed Ayzaya, 73)
9. Əyyub Allaş
72. Osama Xalayla
Ehtiyat oyunçular:
1. Rəşad Əzizli
36. Elməddin Sultanov
12. Nicat Əliyev
30. Şahin Şahniyarov
4. Lukas Afriko
17. Yaovi Akakpo
8. Gilad Abramov
Baş məşqçi: Elmar Baxşıyev
