Qələbə son dəqiqədə əldən verildi - «Qəbələ»-«Simurq» matçında sülh
Xəbərlər / 5 Aprel 2013 | 13:22356
“Qəbələ” – “Simurq” 1:1
05 aprel 2013. Saat 16:00. Qəbələ şəhər stadionu. 550 tamaşaçı
Baş hakim: Orxan Məmmədov
Baş hakimin köməkçiləri: Elman Musayev, Zeynal Zeynalov
Dördüncü hakim: Sərxan İsmayılov
AFFA nümayəndəsi: Maşallah Əhmədov
Hakim-inspektor: Əhmədağa Cabbarov
Sarı vərəqələr: Ürfan Abbasov, 43 (qeyri-idman hərəkəti); Omar Kalabane, 87 (qeyri-idman hərəkəti) // Nenad Kiso, 7 (qeyri-idman hərəkəti); Aleksandr Şemonayev, 54 (qeyri-idman hərəkəti)
Qollar: Rodriges Assis, 54 // Tomislav Buşiç, 90
Artırılan vaxt: I hissədə - 1 dəq.; II hissədə - 3 dəq.
Topaz Premyer Liqasının XXV turunda "Qəbələ" doğma meydanda "Simurq"u qəbul etdi. Matç "qırmızı-qaralar"ın əvəzedicilərdən ibarət komandasının baş məşqçisi Luis Araqonun əsas komandada debütü ilə yadda qaldı.
Matç tərəflərin kəşfiyyat xarakterli hücumları ilə start götürdü. Tərəflərin xüsusilə müdafiəyə diqqət ayırması ilk yarının sönük keçməsi ilə nəticələndi. 45 dəqiqənin yekununda sadəcə Ürfan Abbasov qüvvətli amma çərçivəyə düşməyən zərbə ilə yadda qaldı. İkinci yarı daha sürətli başladı. Qısa ötürmələrlə meydançada nəzarəti ələ keçirən "Qəbələ" tezliklə hesabı açdı. Fəallığı ilə seçilən Rodriges Assis cərmə zərbəsindən dəqiq zərbə ilə topu tora göndərdi - 1:0. Qoldan sonra hücumlarının kəsərini artıran "qırmızı-qaralar" final fitinə kimi bir neçə epizodda hesabı artırmaq şansı qazandı. Amma Assisin, Omar Kalabanenin, Elmar Baxşıyevin zərbələri tora daxil olmadı. Əvəzində 90-cı dəqiqədə qonaqlar hesabı bərabərləşdirdilər. Müdafiə xəttində Pulhakın səhvindən rəqib lazımınca yararlandı - 1:1. Bu matçda vurulan son qol oldu və "Simurq" Qəbələdən 1 xalla ayrılmağa müəssər oldu.
“Qəbələ”
25. Dieqo Kosta Silva
4. Amit Quluzadə
10. Luis Paulo Hilario
11. Yannik Kamanan
(9. Viktor Mendi, dəq.66)
15. Omar Kalabane
18. Aleksandr Çertoqanov
(21. Elmar Baxşıyev, dəq.82)
22. Rodriges Assis
23. Şəhriyar Xəlilov
(8. Kristian Pulhak, dəq.57)
27. Rəşad Abdullayev (k)
34. Ürfan Abbasov
84. Dejan Kelhar
Ehtiyat oyunçular:
30. Anar Nəzirov
6. Nikola Valentiç
19. Rövşən Əmiraslanov
39. Sadiq Quliyev
Məşqçi: Luis Antoni Araqon
“Simurq”
22. David Pietrzkeviç
3. Rasim Ramaldanov (k)
4. Dilaver Zrnanoviç
6. Anderson Olivyera
7. Ruslan Poladov
10. Zdravko Popoviç
(19. Nicat Qurbanov, dəq.85)
13. Aleksandr Şemonayev
15. Stepan Polyak
(9. Marçin Burxardt, dəq.68)
20. Rəşad Eyyubov
(12. Tomislav Buşiç, dəq.69)
21. Murad Səttarlı
28. Nenad Kiso
Ehtiyat oyunçular:
1. Dmitri Kramarenko
2. İlkin Qırtımov
14. Asif Mirili
17. Rüstəm Məmmədov
Baş məşqçi: Georgi Çixradze
Georgi Çixradze: “Maraqlı oyun oldu. İlk hissədə üstün oynadıq, lakin qol vura bilmədik. İkinci hissədə hesabda geri düşsək də, etdiyimiz əvəzetmələrin bəhrəsini gördük. Komandaya oyuna görə təşəkkürümü bildirirəm”.
Luis Araqon: “Qələbəyə çox yaxın idik. Qol imkanlarımız çox oldu. Meydana qələbə qazanmaq üçün çıxmışdıq. Bunun üçün lazım olan qolu vurduq. Lakin sonda müdafiədə buraxılan kobud səhv hər şeyi alt-üst etdi. Rəqib komanda sona kimi mübarizə apardı. Altılıq oyunları çox çətin keçir. Gələcək oyunlarda daha yaxşı oynamağa çalışacağıq”.
OXŞAR XƏBƏRLƏR
