«Qələbəni Eldəniz müəllimə həsr edirik»
Xəbərlər / 18 Noyabr 2012 | 22:44332
Son turlarda uğurlu seriya yaxalayan “Qəbələ”nin əvəzedici komandası 13-cü turu – “Kəpəz”lə matçı da maksimum nəticə ilə yekunlaşdırmaqla ardıcıl qələbələrinin sayını 4-ə çatdırdı. Sözügedən qarşılaşmada yeganə qolu vurmaqla komandasına qələbə qazandıran “Qəbələ” Futbol Akademiyasının yetirməsi Elvin Camalov oyunsonrası açıqlamasında qələbəni 2 həftə öncə dünyasını dəyişən məşqçi Eldəniz Süleymanova həsr etdiklərini söyləyib:
“Yaxşı oyun nümayiş etdirib layiqli qələbə qazandıq. Qələbəni qısa müddət öncə vəfat edən Eldəniz müəllimə həsr edirik. Bildiyiniz kimi “Qəbələ” Futbol Akademiyasının yetirməsiyəm və futbolçu kimi yetişməyimdə Eldəniz Süleymanovun böyük əməyi olub. Çox xoşbəxtəm ki, bu gün onun xatirəsini yad edərək çıxdığımız oyunda qələbə qoluna mən imza atdım. Ruhu şad olsun”.
OXŞAR XƏBƏRLƏR
