«Qırmızı-qaralar» son yoxlama oyununda qələbə qazandı - Fotoreportaj
Xəbərlər / 3 Avqust 2014 | 21:58199
Hollandiya toplanışının ardından paytaxtda hazırlıqlarını davam etdirən "Qəbələ" hazırlıq prosesi çərçivəsində çempionat öncəsi son yoxlama oyununu keçirib. "Qırmızı-qaralar" "Qaradağ-Lökbatan"la qarşılaşıb. "Qəbələ" meydançaya aşağıdakı start heyətlə çıxıb:
Anar Nəzirov, Aleksandru Benqa, Pavol Farkaş, Urfan Abbasov, Ruslan Əmircanov, Ruslan Abışov, Ropotan, Nizami Hacıyev, Cavid Hüseynov, Markinyoş, Viktor Mendi.
Matç Ermənistan Silahlı Qüvvələrinin Azərbaycan Silahlı Qüvvələrinin mövqelərinə basqını nəticəsində həlak olan şəhidlərimizin xatirəsinin 1 dəqiqəlik sükutla yad edilməsi ilə başlayıb. Oyunda başdan sonadək üstünlüyü əldən verməyən "Qəbələ" 2:1 hesabilə qalib gəlib. Komandamıza qələbə qazandıran qollar Cavid Hüseynov və Nizami Hacıyevin aktivinə yazılıb.
Bu matç ilə Bakı toplanışına yekun vuran "qırmızı-qaralar" Qəbələyə yollanıblar.
OXŞAR XƏBƏRLƏR
