QƏBƏLƏ FC

Şəhriyar Xəlilovu rənglərinə bağlamaqla ilk transferini reallaşdıran “Qəbələ” komandanı ikinci yeni futbolçu ilə gücləndirib. Klub “Xəzər-Lənkəran”, “Neftçi” kimi komandaların heyətində uğurlu çıxışı ilə yadda qalan Rəşad Abdullayevlə birillik müqavilə bağlayıb. I Qəbələ Kubokunun açılış mərasimində ictimaiyyətə təqdim olunan Abdullayevə klubun vitse-prezidenti Fariz Nəcəfov tərəfindən “Qəbələ” forması təqdim edilib. 

Mərasimdən sonra futbolçunun iştirakı ilə kütləvi informasiya vasitələri üçün brifinq təşkil olunub.