QƏBƏLƏ FC

Klubumuzun baş meneceri Zaur Əzizov və komandamızın baş məşqçisi Sənan Qurbanov Türkiyəyə işgüzar səfər ediblər. Rəsmilərimiz səfər çərçivəsində Superliqa təmsilçisi "İstanbul Başakşəhər"in bazasında olublar. Onlar İstanbul klubunun baş məşqçisi Abdullah Avcı və icraçı direktoru Mustafa Eröğütlə görüşüblər. Görüş zamanı nümayəndələrimiz Türkiyə klubunun idarəçiliyi, strukturu və texniki məsələlərlə bağlı fikir mübadiləsi aparıblar. Rəsmilərimiz Abdullah Avcı və Mustafa Eröğütə komandamızın formalarını hədiyyə ediblər.