Sabah Topaz Premyer Liqasının XIV turuna yekun vurulacaq. Turun son oyunu Qəbələdə keçiriləcək. “Rəvan”ı qəbul edəcək “Qəbələ” qalib gələrək, 2-ci pilləyə yüksəlməyə çalışacaq. Bu matç komandalar arasında yubiley – 10-cu duel olacaq. İlk dəfə 4 il əvvəl üz-üzə gələn komandalar indiyədək yalnız Premyer Liqa çərçivəsində qarşılaşıb. Baş tutan 9 oyundan 6-da “Qəbələ” qalib gəlibsə, paytaxt təmsilçisi cəmi 2 dəfə 3 xal qazanıb. Digər 1 görüş isə heç-heçə nəticələnib. Hər birində 3 qolun vurulduğu son 2 matçda qalib gələn “qırmızı-qaralar” artıq 6 oyundur rəqibinə uduzmur. “Rəvan”ın son qələbəsindən 3 ildən artıq vaxt ötüb. Komandamız top fərqində də böyük üstünlüyə malikdir. Əvvəlki 9 qarşılaşmadan yalnız birində qol vura bilməyən “Qəbələ” rəqib qapısına 19 dəfə yol tapıb. Son 5 görüşdə cəmi 1 qolun sevincini yaşayan bakılılar isə ümumilikdə 8 dəfə fərqlənib.
“Qəbələ”nin “Rəvan”la oyunlarında qeydə alınan 27 qola 23 futbolçu imza atıb. Yalnız 2 futbolçu, “Qəbələ”nin sabiq hücumçuları Yannik Kamananla Viktor Mendi bu duellərdə 1 dəfədən çox fərqlənib. Onların hərəsi 3 dəfə rəqib qapısına yol tapıb.
2011/12. Premyer Liqa
30.09.2011. Qəbələ - Rəvan (Bakı) - 2:3
Murad Hüseynov, 7; Luiz Hilario, 78 - Murad Hüseynov, 22-ö.q; Con Pelu, 35; Samuel Barlay, 52
2011/12. Premyer Liqa
03.03.2012. Rəvan (Bakı) - Qəbələ - 0:4
Viktor Mendi, 3; Yannik Kamanan, 9; 25; Deon Barton, 83
2012/13. Premyer Liqa
24.09.2012. Qəbələ - Rəvan (Bakı) - 1:3
Aleksandr Çertoqanov, 37 - Juan Manuel Varea, 23; Kristian Torres, 64; Nuran Qurbanov, 90+1
2012/13. Premyer Liqa
25.11.2012. Rəvan (Bakı) - Qəbələ - 1:3
Tofiq Mikayılov, 23 - Viktor Mendi, 12; Rəşad Abdullayev, 27; Lourival Assis, 70-p.
2013/14. Premyer Liqa
20.09.2013. “Qəbələ” – “Rəvan” - 3:0
Daniel Subotiç, 8; Vladimir Levin, 9; Leonardo da Silva, 53 (p)
2013/14. Premyer Liqa
29.11.2013. “Rəvan” – “Qəbələ” - 0:1
Yannik Kamanan, 26
2013/14. Premyer Liqa
23.02.2014. “Qəbələ” – “Rəvan” - 0:0
2013/14. Premyer Liqa
20.04.2014. “Rəvan” – “Qəbələ” - 1:2
Yamin Ağakərimzadə, 85 - Viktor Mendi, 38; Urfan Abbasov, 41
2015/16. Premyer Liqa
25.09.2015. “Rəvan” – “Qəbələ” - 0:3
Dodo, 37; Samir Zərgərov, 58, Aleksey Qay, 78
Xatırladaq ki, XIV turun noyabrın 30-da keçiriləcək “Qəbələ” “Rəvan” qarşılaşması saat 17:00-da başlayacaq. Matçı Rauf Cabbarov idarə edəcək.
30 noyabr (bazar ertəsi)
17:00. “Qəbələ” – “Rəvan”
Hakimlər: Rauf Cabbarov, Azər Əsgərov, Vüsal Qənbərov, Rəvan Həmzəzadə
AFFA nümayəndəsi: Məmmədəli Məmmədov
Hakim-inspektor: Əli Hüseynov
Qəbələ şəhər stadionu
