«Rəvan»la 7-ci duel
Xəbərlər / 21 Fevral 2014 | 12:40261
Son iki ev oyununda xal qazana bilməyən “Qəbələ” Topaz Premyer liqasının XXIII turunda yenidən doğma azarkeşləri önünə çıxacaq. Yuri Syominin yetirmələri 2014-cü ildə 3-cü ev oyununu “Rəvan”a qarşı keçirəcək. Paytaxt təmsilçisi ilə qarşılaşma “qırmızı-qaralar”ın bu rəqiblə 7-ci matçı olacaq. İlk dəfə 3 il əvvəl üz-üzə gələn komandalar indiyədək yalnız Premyer Liqa çərçivəsində qarşılaşıb.
Bu 6 oyunda “Qəbələ”nin üstünlüyü var. Heç vaxt rəqibi ilə bərabərə qalmayan komanda 4 qələbə qazanıb və 2 dəfə məğlub olub. Qələbə sayında olduğu kimi top fərqində də “qırmızı-qaralar” ikiqat üstünlüyə malikdir – 14:7. Bunda komandanın bütün matçlarda qol sevinci yaşamasının da rolu böyükdür.
Öz meydanında keçirdiyi hər 3 oyunda məğlub olan bakılılar Qəbələ təmsilçisinin ev oyunlarında qalib gəlməyi bacarıb. Lakin “qırmızı-qaralar” son ev oyununda da üstün olmağı bacarıb. Bununla da “Rəvan”la görüşlərdə “Qəbələ” ardıcıl qələbələrin 3-ə çatmasına töhvə verib. Bu dəfəki qələbə isə seriyanı 4-ə çatdıracaq. Syominin yetirmələri ev oyunlarında 6 qol vurub və eyni sayda da buraxıb.
“Qəbələ”nin “Rəvan”la oyunlarında qeydə alınan 21 qola 18 futbolçu imza atıb. Yalnız 2 futbolçu, hazırda “Qəbələ”nin şərəfini qoruyan Yannik Kamananla Viktor Mendi bu duellərdə 1 dəfədən çox fərqlənib. Yannik isə duellərin mütləq rekordçusudur – 3 qol.
2011/12. Premyer Liqa
30.09.2011. Qəbələ - Rəvan (Bakı) - 2:3
Murad Hüseynov, 7; Luiz Hilario, 78 - Murad Hüseynov, 22-ö.q; Con Pelu, 35; Samuel Barlay, 52
2011/12. Premyer Liqa
03.03.2012. Rəvan (Bakı) - Qəbələ - 0:4
Viktor Mendi, 3; Yannik Kamanan, 9; 25; Deon Barton, 83
2012/13. Premyer Liqa
24.09.2012. Qəbələ - Rəvan (Bakı) - 1:3
Aleksandr Çertoqanov, 37 - Juan Manuel Varea, 23; Kristian Torres, 64; Nuran Qurbanov, 90+1
2012/13. Premyer Liqa
25.11.2012. Rəvan (Bakı) - Qəbələ - 1:3
Tofiq Mikayılov, 23 - Viktor Mendi, 12; Rəşad Abdullayev, 27; Lourival Assis, 70-p.
2013/14. Premyer Liqa
20.09.2013. “Qəbələ” – “Rəvan” - 3:0
Daniel Subotiç, 8; Vladimir Levin, 9; Leonardo da Silva, 53 (p)
2013/14. Premyer Liqa
29.11.2013. “Rəvan” – “Qəbələ” - 0:1
Yannik Kamanan, 26
OXŞAR XƏBƏRLƏR
