Rey dubl etdi, «Qəbələ» bir xal qazandı
Xəbərlər / 14 Sentyabr 2012 | 14:14400
Əvəzedicilər çempionatının 5-ci turunda Gəncədə “Qəbələ” yerli “Kəpəz”lə üz-üzə gəlib. Komandamız qarşılaşmada aşağıdakı heyətlə mübarizə aparıb:
Əli Həsənli, Ruslan Bədəlov, Tərzin Cahangirov, Elvin Camalov, Ülvi Qaçaylı, Müşfiq Teymurov, Əziz Hüseynov, Tellur Mütəllimov (Şirməhəmməd Məmmədov), Fərid Hacıyev (Seymur Əsədov), Elnur Mustafazadə (Əsgər Nəbiyev), Rey Məmmədbəyli (Elsevər Bəkirzadə).
Matça Luis Araqonun yetirmələri daha sürətli başlayıb. Ard-arda təhlükəli epizodlar yaradan “Qəbələ” ilk hissədə üstün tərəf olub. Bunun məntiqi nəticəsi kimi ilk 45 dəqiqədə qonaqlar meydan sahiblərini iki dəfə mərkəzə dəvət ediblər. Rey Məmmədbəylinin dublu ilk yarını komandamızın aktivinə yazıb.
İkinci hissədə isə “Kəpəz” daha yaxşı təsir bağışlayıb. Hissə ərzində iki dəfə fərqlənən gəncəlilər status-kvonu bərpa ediblər və matç 2:2 hesabilə yekunlaşıb.
OXŞAR XƏBƏRLƏR
