Sabah Azərbaycan Premyer Liqasında XVI turun oyunları keçiriləcək. Mövsümün ikinci yarısında ilk səfər matçına çıxacaq “Qəbələ” “Sabah”la qarşılaşacaq. Bakıdakı “BanK Respublika Arena”da keçiriləcək matç “qırmızı-qaralar”ın paytaxt təmsilçisinə qarşı 11-ci dueli olacaq. Komandalar indiyədək 10 dəfə görüşüb. Əvvəlki matçlarda böyük üstünlüyə malik “Qəbələ”nin hesabında 7 qələbə, 1 heç-heçə var. Bakılılar isə cəmi 2 dəfə qalib gəlib. Komandamız top fərqində də öndədir – 13:6. “Qəbələ”nin “Sabah”la matçlardakı ən məhsuldar oyunçuları Davit Volkovla Klesio Baukdur. Onlar hərəyə 3 qol vurublar.
10 görüşdən 4-ü kubok, 6-sı Premyer Liqa çərçivəsində baş tutub. Çempionatdakı qarşılaşmalarda 3 qələbə, 1 heç-heçə və 2 məğlubiyyəti olan komandamız top fərqində də öndədir – 5:4. “Qəbələ” 6-cı dəfə “Sabah”ın qonağı olacaq. Səfərdəki 5 görüşdə 4 qələbəsi olan “qırmızı-qaralar” yalnız bir dəfə uduzub. Bu oyunlarda 6 qol vuran futbolçularımız 3 top buraxıblar.
2018/19 mövsümü
16.09.2018. Premyer Liqa. “Sabah” – “Qəbələ” – 1:0
Marko Deviç, 23
04.11.2018. Premyer Liqa. “Qəbələ” – “Sabah” – 2:1
Ceyms Adeniyi, 5; Stiven Monroz, 15 // Bəxtiyar Soltanov, 52
16.12.2018. Azərbaycan Kuboku. “Qəbələ” – “Sabah” – 1:0
Filip İvanoviç, 45 (ö.q.)
20.12.2018. Azərbaycan Kuboku. “Sabah” – “Qəbələ” – 0:1
Ceyms Adeniyi, 80
09.02.2019. Premyer Liqa. “Sabah” – “Qəbələ” – 0:1
Rauf Əliyev, 31
01.04.2019. Premyer Liqa. “Qəbələ” – “Sabah” – 0:0
2019/20 mövsümü
14.09.2019. Premyer Liqa. “Sabah” – “Qəbələ” – 0:1
Roman Hüseynov, 47
03.11.2019. Premyer Liqa. “Qəbələ” – “Sabah” – 1:2
Davit Volkov, 43 // Cavid İmamverdiyev, 54; Hendrik Ekşteyn, 73
15.12.2019. Azərbaycan kuboku. “Qəbələ” – “Sabah” – 3:0
Klesio Bauk, 19, 43; Ülvi İsgəndərov, 87
19.12.2019. Azərbaycan kuboku. “Sabah” – “Qəbələ” – 2:3
Bəhlul Mustafazadə, 62, 75 // Davit Volkov, 22, 23; Klesio Bauk, 65
