Topaz Premyer Liqasında IV turun təyinatları açıqlanıb. Sentyabrın 14-16-da keçiriləcək oyunları idarə edəcək hakimlər, onların işinə qiymət verəcək hakim-inspektor, həmçinin AFFA nümayəndəsi müəyyənləşib. Səfərdə “Sabah”la qarşılaşacaq “Qəbələ”nin görüşünün təyinatları da bəlli olub. Sentyabrın 16-da “Əlincə Arena”da baş tutacaq qarşılaşmanı Rauf Cabbarov idarə edəcək. Onun köməkçiləri isə Elşən Acalovla Elşad Abdullayev olacaq. Matçın dördüncü hakimi funksiyasını Rəvan Həmzəzadə yerinə yetirəcək.
Xatırladaq ki, sentyabrın 16-da “Əlincə Arena”da baş tutacaq oyun saat 19:00-da başlayacaq.
Topaz Premyer Liqası
IV tur
16 sentyabr (bazar)
19:00. “Sabah” – “Qəbələ”
Hakimlər: Rauf Cabbarov, Elşən Acalov, Elşad Abdullayev, Rəvan Həmzəzadə
AFFA nümayəndəsi: Seymur Səlimli
Hakim-inspektor: Murad Məmmədov
“Əlincə Arena”
