Azərbaycan kubokunda 1/4 final mərhələsinin cavab oyunlarına təyinatlar açıqlanıb. Dekabrın 19-20-də baş tutacaq 2019-cu ilin son qarşılaşmalarının hakimləri, hakim-inspektor və AFFA nümayəndələri müəyyənləşib. Səfərdə “Sabah”la görüşəcək “Qəbələ”nin matçının təyinatları da bəlli olub. Ayın 19-da “Bank Respublika Arena”da baş tutacaq görüşü Əliyar Ağayev idarə edəcək. Onun köməkçiləri Zeynal Zeynalovla Qəzənfər Məmmədov olacaq. Dördüncü hakim funksiyasını Namiq Bəkirov yerinə yetirəcək.
Xatırladaq ki, “Sabah” – “Qəbələ” matçı saat 18:00-da başlayacaq.
Azərbaycan kuboku
1/4 final, cavab oyunu
19 dekabr (cümə axşamı)
18:00. “Sabah” – “Qəbələ”
Hakimlər: Əliyar Ağayev, Zeynal Zeynalov, Qəzənfər Məmmədov, Namiq Bəkirov
Hakim-inspektor: Ceyhun Haşımov
AFFA nümayəndəsi: Ramiz Mustafayev
“Bank Respublika Arena”
