Azərbaycan Premyer Liqasında XVI turun oyunları üçün təyinatlar açıqlanıb. “Sabah”ın qonağı olacaq “Qəbələ”nin səfər matçının hakimləri, hakim-inspektor və AFFA nümayəndəsi müəyyənləşib. Fevralın 7-də Bakıdakı “Bank Respublika Arena”da keçiriləcək qarşılaşmanın baş hakimi Rəvan Həmzəzadə olacaq. Ona Cəmil Quliyev və Vüqar Bayramov kömək edəcəklər. Dördüncü hakim funksiyasını Vüqar Həsənli yerinə yetirəcək. Görüşün hakim-inspektoru Ceyhun Haşımov, AFFA nümayəndəsi Eldəniz Musayev olacaq.
Xatırladaq ki, “Sabah” – “Qəbələ” oyunu saat 19:00-da başlayacaq.
Azərbaycan Premyer Liqası
XVI tur
7 fevral (cümə)
19:00. “Sabah” – “Qəbələ”
Hakimlər: Rəvan Həmzəzadə, Cəmil Quliyev, Vüqar Bayramov, Vüqar Həsənli
Hakim-inspektor: Ceyhun Haşımov
AFFA nümayəndəsi: Eldəniz Musayev
“Bank Respublika Arena”
