“Qəbələ” İdman Klubunun və Azərbaycan millisinin samboçuları Vasif Səfərbəyov (+100 kq) və Amil Qasımov (74 kq) Avropa Oyunlarını mükafatla başa vurub. Hər iki idmançımız finala qədər bütün rəqiblərinə qalib gəlsə də, qızıl medal uğrunda görüşdə uduzaraq, gümüş medala yiyələnib. Yarışa 1/4 finaldan başlayan Qasımov Kaxa Mamulaşvili (Gürcüstan) və Martin İvanova (Bolqarıstan) qalib gəlib, finala yüksəlsə də, həlledici qarşılaşmada belaruslu Stepan Popova uduzub. Səfərbəyov 1/4 finalda Bayro Maşoviçə (Makedoniya), yarımfinalda Razmik Tonoyana (Ukrayna) qalib gəldikdən sonra Artyom Osipenkonu (Rusiya) məğlub edə bilməyib. Qadınların yarışında bürünc medal uğrunda görüşə çıxan təmsilçilərimiz isə məğlub olaraq, Avropa Oyunlarını 4-cü yerdə başa vurub. Şəhanə Hüseynova (60 kq) Katarin Prakapenka (Belarus), Nərmin Əlizadə (68 kq) fransalı Kelin Konde ilə görüşdə məğlub olub.
