Bu həftə Topaz Premyer Liqasında 2018/19 mövsümünün ilk yarısı başa çatacaq. “Qəbələ” 2018-ci ildə son çempionat oyununu səfərdə keçirəcək. Sənan Qurbanovun baş məşqçisi olduğu komanda “Səbail”lə üz-üzə gələcək.
Bu matç rəqiblər arasında 8-ci duel olacaq. İndiyə qədər keçirilən 7 matçda üstünlük “Qəbələ”nin tərəfindədir. 5 qələbə qazanan “qırmızı-qaralar” 1 heç-heçə edib və yalnız 1 dəfə uduzub. Komandamız 16, rəqib 7 dəfə fərqlənib. “Qəbələ” əvvəlki 7 dueldə meydanı qolsuz tərk etməyib. “Səbail”in qapısından Baqali Dabo 6, Famussa Kone 3 top keçirib.
Premyer Liqada keçirilən 5 matçda 3 qələbə qazanan “qırmızı-qaralar” 1 heç-heçə edib və 1 dəfə uduzub. “Qəbələ” top fərqində üstündür – 11:5.
Paytaxt təmsilçisinin meydanındakı bütün oyunlarda hər iki komanda qol sevinci yaşayıb. 2 dəfə qalib gəlib, 1 dəfə uduzan “Qəbələ” top fərqində öndədir – 5:3.
Xatırladaq ki, XIV turun oyunları dekabrın 9-da keçiriləcək.
2017/18 mövsümü
17.09.2017. Premyer Liqa. “Səbail” – “Qəbələ” – 1:3
Vüqar Nadirov, 56 // Baqali Dabo, 42, 90+3; Asif Məmmədov, 60
04.11.2017. Premyer Liqa. “Qəbələ” – “Səbail” – 3:1
Famussa Kone, 16; Baqali Dabo, 29; 83 // Eltun Yaqublu, 88
11.12.2017. Azərbaycan kuboku. “Qəbələ” – “Səbail” – 1:0
Stiven Monroz, 59
15.12.2017. Azərbaycan kuboku. “Səbail” – “Qəbələ” – 2:4
Adrian Popoviçi, 16; Elman Taqayev, 78 // Filip Ozobiç, 22; Ruslan Qurbanov, 44; Famussa Kone, 56; Baqali Dabo, 75
24.02.2018. Premyer Liqa. “Səbail” – “Qəbələ” – 2:1
Vitali Vernidub, 25 (ö.q); Fəhmin Muradbəyli, 57 // Baqali Dabo, 68
15.04.2018. Premyer Liqa. “Qəbələ” – “Səbail” – 1:1
Famussa Kone, 82 // Fəhmin Muradbəyli, 55
2018/19 mövsümü
12.08.2018. Premyer Liqa. “Qəbələ” – “Səbail” – 3:0
Asif Məmmədov, 23; Urfan Abbasov, 63; Ceyms Adeniyi, 82
