Topaz Premyer Liqasında XIV turun təyinatları açıqlanıb. 2018-2019-cu illər mövsümünün ilk yarısının son turunun matçlarını idarə edəcək hakimlər, hakim-inspektorları və AFFA nümayəndələri bəlli olub. Dekabrın 9-da keçiriləcək turda “Səbail”in qonağı olacaq “Qəbələ”nin səfər oyununun təyinatları da müəyyənləşib.
“Bayıl Arena”da keçiriləcək matçı İnqilab Məmmədov idarə edəcək. Onun köməkçiləri Namiq Hüseynovla Rahil Ramazanov olacaq. Qarşılaşmanın dördüncü hakimi funksiyasını Səbuhi Bayramov yerinə yetirəcək. Kərim Ağayev oyunun hakim-inspektoru, Eldəniz Musayev isə AFFA nümayəndəsi olacaq.
Xatırladaq ki, dekabrın 9-da keçiriləcək “Səbail” – “Qəbələ” matçı saat 17:30-da başlayacaq.
Topaz Premyer Liqası
XIV tur
9 dekabr (bazar)
17:30. “Səbail” – “Qəbələ”
Hakimlər: İnqilab Məmmədov, Namiq Hüseynov, Rahil Ramazanov, Səbuhi Bayramov
Hakim-inspektor: Kərim Ağayev
AFFA nümayəndəsi: Eldəniz Musayev
“Bayıl Arena”
