QƏBƏLƏ FC

“Sərhədçi” İdman Olimpiya Mərkəzində gənclər arasında sərbəst və yunan-Roma güləşi üzrə Azərbaycan birinciliyi keçirilib. Fevralın 18-19-da baş tutan yarışda “Qəbələ” İdman Klubunun güləşçiləri də qüvvəsini sınayıb. Sərbəst güləşdə mübarizə aparan təmsilçilərimiz 1 medal əldə edib. Belə ki, Sənan Əlizadə birinciliyi fəxri kürsüdə başa vurub. 74 kq çəki dərəcəsində çıxış edən idmançımız 3-cü yeri tutub. O, bürünc medal uğrunda qarşılaşmada komanda yoldaşı Ələddin Axundova qalib gəlib – 12:2. Sonuncu kimi Rakif Eminov (55 kq) da medalın bir addımlığınadək irəliləsə də, 3-cü yer uğrunda görüşdə məğlub olub.