Sabah Topaz Premyer Liqasında XXVII turun oyunları keçiriləcək. Eyni gündə keçiriləcək turun mərkəzi qarşılaşması Sumqayıtda baş tutacaq. Bu görüş çempionatın gümüş medalının sahibinə də aydınlıq gətirə bilər. “Qəbələ” “Sumqayıt”la görüşdə 1 xal qazansa, 2-ci yeri təmin edəcək. Əks halda isə bunun üçün digər oyunların nəticələrini gözləmək lazım gələcək.
Sumqayıtdakı matç rəqiblər arasında 24-cü qarşılaşma olacaq. İndiyədək 23 dəfə üz-üzə gələn komandaların bütün oyunları Premyer Liqa çərçivəsində olub. “Qəbələ” əvvəlki matçların hamısında qol sevinci yaşayıb.
Arxada qalan 23 matçda “qırmızı-qaralar” 15 qələbə qazanıb. 6 heç-heçənin qeydə alındığı duellərdə “Sumqayıt” 2 dəfə qalib gəlib. Top fərqində də “Qəbələ” böyük üstünlüyə malikdir – 41:17.
Cari mövsümdə rəqibinə uduzmayan Roman Qriqorçukun yetirmələri hər görüşdə 1 qola sevinib. İlk iki oyunda bu top qələbə üçün yetərli olubsa, son matçda bərabərlik qeydə alınıb.
Hər iki məğlubiyyətini səfərdə almasında baxmayaraq, “Qəbələ” rəqib meydanında da üstünlüyə malikdir. Komandamız əvvəlki 11 görüşdə 5 qələbə qazanıb, 4 heç-heçə edib və 2 dəfə uduzub. Səfərdə 17 qol vuran futbolçularımız 11 top buraxıblar.
Bu matçlarda vurulan 41 qola “Qəbələ”nin 26 futbolçusu imza atıb. Daha bir dəfə rəqib futbolçu avtoqol müəllifi olub. “Qəbələ”nin “Sumqayıt”la görüşlərdəki bombardiri Viktor Mendidir. O, 7 dəfə rəqib qapısına yol tapıb. Aleksey Qay və Dodo hərəyə 3, Umar Kalabane, Baqali Dabo, Cavid Hüseynov və Lorenzo Ebesilio isə 2 qol vurublar.
“Sumqayıt” - “Qəbələ”: Bütün oyunlar
2011/12 mövsümü
14.08.2011. Premyer Liqa. Sumqayıt Şəhər - Qəbələ - 1:2
Orxan Əliyev, 90+3 - Dodo, 5, Daniel Lopes Kruz, 41
04.12.2011. Premyer Liqa. Qəbələ - Sumqayıt Şəhər - 3:1
Serj Cehua, 37, Dodo, 70, Viktor Mendi, 86 - Samir Abasov, 39
2012/13 mövsümü
26.08.2012. Premyer Liqa. Qəbələ - Sumqayıt - 4:1
Bruno da Silva, 33, Umar Kalabane, 53, 71, Rəşad Abdullayev, 55 - Ruslan Qurbanov, 18
8.12.2012. Premyer Liqa. Sumqayıt - Qəbələ - 0:1
Viktor Mendi, 39
2013/14 mövsümü
19.08.2013. Premyer Liqa. Sumqayıt - Qəbələ - 2:1
Vüqar Əsgərov,4, Ruslan Qurbanov, 62-p. - Yannik Kamanan, 12
25.10.2013. Premyer Liqa. Qəbələ - Sumqayıt - 2:0
Daniel Subotiç, 24, Dodo, 63
02.02.2014. Premyer Liqa. Sumqayıt - Qəbələ - 0:3
Viktor Mendi, 3, Lorenzo Ebesilio, 55, Leonardo da Silva, 57
17.05.2014. Premyer Liqa. Qəbələ - Sumqayıt - 3:1
Viktor Mendi, 39, Lorenzo Ebesilio, 86, Abdulvahid Afolabi, 90+2 - Məhəmməd Qurbanov, 7
2014/15 mövsümü
24.10.2014. Premyer Liqa. Qəbələ - Sumqayıt - 3:1
Cavid Hüseynov, 77, Pavol Farkaş, 88, Ekiqo Ehiosun, 90+2 - Ramazan Abbasov, 40
18.12.2014. Premyer Liqa. Sumqayıt - Qəbələ - 1:1
Məhəmməd Qurbanov, 67 - Cavid Hüseynov, 86 (p.)
08.03.2015. Premyer Liqa. Qəbələ - Sumqayıt - 2:0
Viktor Mendi, 23, 34
08.05.2015. Premyer Liqa. Sumqayıt - Qəbələ - 0:2
Aleksey Qay, 39, Viktor Mendi, 41
2015/16 mövsümü
21.09.2015. Premyer Liqa. Qəbələ - Sumqayıt - 1:0
Aleksey Qay, 90+2 (p.)
21.11.2015. Premyer Liqa. Sumqayıt - Qəbələ - 2:2
Uğur Pamuk, 29, Ağabala Ramazanov, 69 - Cəmil Hacıyev, 40 (ö.q), Samir Zərgərov, 71
14.02.2016. Premyer Liqa. Qəbələ - Sumqayıt - 1:0
Ermin Zets, 69
09.04.2016. Premyer Liqa. Sumqayıt - Qəbələ - 1:1
Aleksey Qay, 65 - Pərdis Fərcad-Azad, 85 (p.)
2016/17 mövsümü
22.09.2016. Premyer Liqa. Qəbələ - Sumqayıt - 2:0
Baqali Dabo, 85; 90
25.10.2016. Premyer Liqa. Sumqayıt - Qəbələ - 2:2
Yusif Nəbiyev, 47; Amil Yunanov, 90+4 (p.) - Rəşad Eyubov, 64; Filip Ozobiç, 73
28.01.2017. Premyer Liqa. Qəbələ - Sumqayıt - 1:1
Vitali Vernidub, 58 - Məhəmməd Qurbanov, 53
29.04.2017. Premyer Liqa. Sumqayıt - Qəbələ - 2:1
Amil Yunanov, 27; Mirabdulla Abbasov, 29 - Asif Məmmədov, 40
2017/18 mövsümü
20.08.2017. Premyer Liqa. Qəbələ - Sumqayıt - 1:0
Tellur Mütəllimov, 40
14.10.2017. Premyer Liqa. Sumqayıt - Qəbələ - 0:1
Famoussa Kone, 29
02.04.2018. Premyer Liqa. Qəbələ – “Sumqayıt – 1:1
Stiven Monroz, 55 // Nicat Qurbanov, 83
