“Sumqayıt” – “Qəbələ” – 2:2
21 noyabr 2015. Saat 17:00. “Kapital Bank Arena”, 1150 tamaşaçı
Baş hakim: Elvin Əsgərov
Baş hakimin köməkçiləri: Rahil Ramazanov, Elman Musayev
Dördüncü hakim: Namiq Hüseynov
Əlavə köməkçi hakimlər: Rauf Cabbarov, Ömər Paşayev
AFFA nümayəndəsi: Adil Nadirov
Hakim-inspektor: Murad Məmmədov
Sarı vərəqələr: Ağabala Ramazanov, 63 (qeyri-idman hərəkəti); Emin Mehdiyev, 67 (qeyri-idman hərəkəti); Bəxtiyar Həsənalızadə, 77 (bilərəkdən əl ilə oyun); Vurğun Hüseynov, 87 (qeyri-idman hərəkəti) // Vitali Vernidub, 31 (perspektivli hücumun qarşısını kəsdiyinə görə); Rikardinyo, 63 (qeyri-idman hərəkəti); Aleksey Antonov, 78 (qeyri-idman hərəkəti)
Qollar: Uğur Pamuk, 29; Ağabala Ramazanov, 69 // Cəmil Hacıyev, 40 (ö.q); Samir Zərgərov, 71
Artırılan vaxt: I hissədə - yoxdur.; II hissədə 3 dəq.
Bu gün Topaz Premyer Liqasında XIII tura start verilib. Günün ilk oyunu Sumqayıtda keçirilib. “Qəbələ” “Sumqayıt”ın qonağı olub. Bəzi futbolçularının zədəli olması üzündən “qırmızı-qaralar” qarşılaşmaya fərqli heyətlə çıxıb. Belə ki, ötən turun “İnter”ə qarşı matçı ilə müqayisədə start heyətində 5 dəyişiklik olub. Baş məşqçi Roman Qriqorçuk George Floresku, Asif Məmmədov, Vitali Vernidub, Rikardinyo və Ürfan Abbasovu ilk dəqiqələrdən meydana buraxıb. Bu oyunçular Məhəmməd Mirzəbəyov, Sergey Zenyov, Dodo, Fakundo Pereyra və Ruslan Abışovun əvəzində “11-lik”də yer alıblar. Bu “beşlik”dən üçü – Fakundo, Məhəmməd və Ruslan matça ehtiyat oyunçular skamyasında başlayıb.
Görüşün ilk yarısı qarşılıqlı hücumlar şəraitində keçib. Lakin rəqiblər qapı qarşısında o qədər də çox real qol vəziyyəti yarada bilməyiblər. Matçda ilk qolu meydan sahibləri vurub. Sol cinahdan ötürmədən sonra Uğur Pamuk hesabı açıb. Bundan sonra oyunda dönüş yaratmağa çalışan Qriqorçuk dəyişikliklə əl atıb. Ürfanın əvəzində Məhəmmədi meydana buraxan ukraynalı mütəxəssis taktiki dəyişikliklər gerçəkləşdirib. Belə ki, oyuna sol cinah yarımmüdafiəçisi kimi başlayan Rikardinyo müdafiəyə çəkilib. Asif yarımmüdafiənin sağından soluna, Arif Daşdəmirov müdafiənin sağından irəli keçərək, yerini Mirzəbəyova verib. Bundan sonra hücumlarının kəsəri artan “Qəbələ” fasiləyədək hesabda tarazlıq yaradıb. Müdafiəçilərlə qapıçı arasında yaranan anlaşılmazlıqdan sonra topa yiyələnən Rikardinyonun zərbəsi rəqibə toxunaraq qapıdan keçib. Cəmil Hacıyevin avtoqolundan sonra ilk yarıda qapılara qol vurulmayıb.
Qarşılaşmanın ikinci yarısı “qırmızı-qaralar”ın hücumları ilə başlayıb. Üstünlüyü ələ alan komandamız bir neçə dəfə rəqib qapıçını narahat edib. Asifin zərbəsi daha yaddaqalan olsa da, hesab dəyişməyib. Qriqorçuk ön xətti gücləndirmək üçün Fakundo ilə Samir Zərgərova da şans verib. Bundan sonra da üstünlük “Qəbələ”də olduğundan meydan sahibləri daha çox əks-hücumlara ümid edib. Belə epizodların birində Ağabala Ramazanov komandasını yenidən önə çıxarıb. Lakin meydan sahiblərinin üstünlüyü çox çəkməyib. Mirzəbəyovun ötürməsindən sonra hesabda tarazlıq yaranıb. Bu qoldan sonra “qırmızı-qaralar” qələbə qazanmaq üçün hücumlarını davam etdirib. Lakin “Sumqayıt”ın müdafiə xəttini yarmaq mümkün olmayıb. Beləliklə, Sumqayıtda məhsuldar heç-heçə qeydə alınıb – 2:2. Bu, “Qəbələ”nin mövsümdə 5-ci heç-heçəsidir.
“Sumqayıt”
1. Şahruddin Məhəmmədəliyev
2. Slavik Alxasov
3. Vurğun Hüseynov (k)
5. Cəmil Hacıyev
7. Pərdis Fərcad-Azad
(29. Amil Yunanov, 84)
10. Uğur Pamuk
(9. Mirzağa Hüseynpur, 46)
13. Murad Ağayev
14. Bəxtiyar Həsənalızadə
18. Aleksandr Çertoqanov
39. Emin Mehdiyev
(23. Tural Rzayev, 71)
55. Ağabala Ramazanov
Ehtiyat oyunçular:
94. Tərlan Əhmədli
6. Mikayıl Rəhimov
8. Nuran Qurbanov
97. Xəyal Nəcəfov
Baş məşqçi: Samir Abasov
“Qəbələ”
1. Andrey Popoviç
3. Voislav Stankoviç
4. Elvin Camalov
5. George Floresku
(32. Fakundo Pereyra, 46)
11. Asif Məmmədov
(66. Samir Zərgərov, 64)
15. Vitali Vernidub
19. Aleksey Qay (k)
20. Rikardinyo
21. Arif Daşdəmirov
34. Ürfan Abbasov
(8. Məhəmməd Mirzəbəyov, 31)
69. Aleksey Antonov
Ehtiyat oyunçular:
33. David Pietrzikeviç
25. Qismət Alıyev
87. Ruslan Abışov
88. Derlis Meza Kolli
Baş məşqçi: Roman Qriqorçuk
