Azərbaycan milli komandasının və “Qəbələ” İdman Klubunun taekvondoçusu Milad Beigi Harçeqani növbəti uğurunu qazanıb. İdmançımız Yunanıstanda keçirilən Dünya Taekvondo Federasiyasının Prezident Kuboku beynəlxalq turnirində qalib gəlib. Avropa çempionu, I Avropa Oyunlarının qalibi və Rio-2016” Yay Olimpiya Oyunlarının bürünc mükafatçısı Afinada fəxri kürsünün ən yüksək pilləsinə qalxıb. 80 kq çəki dərəcəsində çıxış edən Harçeqani türkiyəli Demir Burakı 26:5, Belarus təmsilçisi Vladislav Saulukovu 18:6, yunanıstanlı Apostolos Telikostoslovunu 17:8 hesabı ilə məğlub. Yarımfinalda norveçli Con Asp üzərində də qələbə qazanan Milad finala yüksəlib. Həlledici döyüşdə Türkiyə təmsilçisi Yunis Sarı ilə qarşılaşan idmançımız rəqibinə 10:1 hesabı ilə qalib gəlib. Bununla da Harçeqani yarışın qızıl medalını qazanıb.
Digər taekvondoçumuz Cavad Ağayev gənclər arasında yarışda fərqlənib. 63 kq çəki dərəcəsində mübarizə aparan idmançımız Loannis Voukakisı (Yunanıstan) 16:4, Peter Qardeni (Danimarka) 16:3, Yeqor Liakı (Rusiya) 9:4, Jantemir Axmetova (Rusiya) qalib gəlsə də yarımfinalda məğlubiyyətlə üzləşib. Ağayev slovakiyalı Filip Sveçlə gərgin keçən döyüşdən 21:25 hesablı məğlubiyyətlə ayrılıb.
