QƏBƏLƏ FC

31 avqust 2013. Saat 18:00. Qəbələ şəhər stadionu. 1200 tamaşaçı

Baş hakim: Vüsal Əliyev

Baş hakimin köməkçiləri: Munis Abdullayev, Nahid Əliyev

Dördüncü hakim: Ömər Paşayev

Əlavə köməkçi hakimlər: Elvin Əsgərov, Ramil Əhmədov

AFFA nümayəndəsi: Maşallah Əhmədov

Hakim-inspektor: Əhmədağa Cabbarov

Sarı vərəqələr: Leonardo da Silva, 66 (qeyri-idman hərəkəti); Lorenzo Ebesilio, 66 (qeyri-idman hərəkəti); Nikola Valentiç, 81 (qeyri-idman hərəkəti) 

Qollar: Leonardo da Silva, 38; Lorenzo Ebesilio, 61 

Artırılan vaxt: I hissədə - 1 dəq.; II hissədə - 3 dəq.

Topaz Premyer Liqasının V turunda "Qəbələ" doğma meydançada "Xəzər Lənkəran"ı qəbul etdi. Komandaların son eyni məkanda baş tutan son qarşılaşmasında "qırmızı-qaralar" cənub təmsilçisini 2:0 hesabilə məğlub etmişdi. Son iki turda məğlub olan Yuri Syominin yetirmələri bu uğursuzluğa son vermək və "Xəzər Lənkəran"ı son Qəbələ səfərində olduğu kimi məğlub etmək əzmində idi.

Matçın ilk dəqiqələrində qonaqlar daha fəal tərəf idi. Ön xəttdə xüsusən Nildo aktivliyi ilə seçilirdi. 27-ci dəqiqədə məhz onun zərbəsindən sonra top qapı tirindən meydançaya qayıtdı. Bir az irəli gedib sözügedən epizodun matç ərzində cənublular tərəfindən yaradılan ən real qol şansı olduğunu söyləyə bilərik. Qarşılaşmanın 30-cu dəqiqəsindən sonra tədricən üstünlüyə yiyələnən "qırmızı-qaralar" final fitinədək bu üstünlüyü əldən vermədilər. Hesab isə 38-ci dəqiqədə açıldı. Leonardo Da Silva baxımlı aşırma zərbə ilə Orxan Sadıqlını məyus etdi. Hissənin sonunadək Ebesilio və Nizami Hacıyev fərqlənmək imkanından yararlana bilmədi.

İkinci hissə də "qırmızı-qaralar"ın aşkar üstünlüyü ilə keçdi. 45 dəqiqə ərzində Yuri Syominin komandası hesabı artırmaq üçün bir neçə imkan yaxalasa da, bunların yalnız birindən yararlana bildi. 61-ci dəqiqədə Lorenzo Ebesilio topu cərimə meydançasının önündən qapıçı üçün əlçatmaz nöqtəyə göndərdi - 2:0. Bu matçda vurulan son qol oldu və "Qəbələ" eyni məkandakı son qarşılaşmada olduğu kimi "Xəzər Lənkəran"ı 2:0 hesabilə məğlub etdi.

“Qəbələ”

25. Dieqo Kosta

2. Rail Məlikov

3. Nikola Valentiç

4. Amit Quluzadə

6. Volodimir Levin (k)

8. Nizami Hacıyev 

9. Viktor Mendi 

(18. İbrahima Niasse, dəq.71)

10. Luis Paulo Hilario

(19. Abdulvahid Afolabi, dəq.81)

14. Lorenzo Ebesilio

(34. Ürfan Abbasov, dəq.86)

42. Leonardo da Silva

84. Dejan Kelhar

Ehtiyat oyunçular:

27. David Pietrzkeviç

5. Sadiq Quliyev

11. Yannik Kamanan 

22. Rodrigez Assis

Baş məşqçi: Yuri Syomin

“Xəzər Lənkəran”

1. Orxan Sadıqlı

3. Vanderson Skarduelli

4. Alvaro Silva 

5. Elnur Allahverdiyev

7. Sadio Tounkara

(22. Deivid Sakkoni, dəq.73)

10. Elnur Abdullayev 

11. Zohair Benouahi

(8. Edu Oriol, dəq.46)

12. Junior Nildo

14. Rahid Əmirquliyev (k)

20. Etame Mbilla 

(55. Ağabala Ramazanov, dəq.68)

27. Adrian Skarlatake

Ehtiyat oyunçular:

25. Tərlan Qasımzadə

6. Rasim Ramaldanov

18. Tural Cəlilov

23. Nikola Qliqorov

Baş məşqçi: Con Toşak