Misli Premyer Liqasında XXII tura start verilib. “Qəbələ” turun son oyun günündə meydana çıxacaq. “Qırmızı-qaralar” “Turan Tovuz”la qarşılaşacaq.
Görüş rəqibin meydanında baş tutacaq. Tovuz şəhər stadionundakı matç iki komanda arasında 8-ci duel olacaq. Rəqiblər bunadək 6 dəfə çempionat və 1 dəfə kubokda üz-üzə gəliblər.
Əvvəlki qarşılaşmalarda “qırmızı-qaralar” üstünlüyə malikdir. Hesabında 3 qələbə olan “Qəbələ” 3 heç-heçə edib və yalnız bir dəfə uduzub. 12 qol vuran komandamız 5 top buraxıb. Bilel Auaşeriya üç, Rafael Utziq və Osama Xalayla 2 dəfə “Turan Tovuz”un qapısına qol vurub.
Çempionatdakı 6 qarşılaşmada “Qəbələ” iki, rəqib isə bir dəfə qalib gəlib. Üç görüşdə heç-heçə qeydə alınıb. 10 qol vuran komandamız 5 top buraxıb.
Dördüncü dəfə “Turan Tovuz”un qonağı olacaq “Qəbələ” səfərdə uduzmayıb. İki dəfə qalib gələn “qırmızı-qaralar” iki dueldən sülhlə ayrılıb. Komandamız səfərdə 7 qol vurub və 3-nü buraxıb.
Xatırladaq ki, sabah Tovuz şəhər stadionunda keçiriləcək “Turan Tovuz” – “Qəbələ” oyunu saat 15:00-da başlayacaq.
2020/21 mövsümü
25.01.2021. Azərbaycan kuboku. Turan Tovuz - Qəbələ - 0:2
Stefan Vukçeviç, 32; Ceyms Adeniyi, 45+1
2022/23 mövsümü
08.08.2022. Premyer Liqa . Turan Tovuz - Qəbələ - 0:2
İsnik Alimi, 58 (p.); Rafael Utziq, 63
24.12.2022. Premyer Liqa. Qəbələ - Turan Tovuz - 0:0
11.03.2023. Premyer Liqa. Turan Tovuz - Qəbələ - 1:1
Runi Eva, 19 (p.) // Felipe Santos, 39
13.05.2023. Premyer Liqa. Qəbələ - Turan Tovuz - 1:2
Rafael Utziq, 66 // Sadiq Quliyev, 54; Xulu Siyanda, 90+5
2023/24 mövsümü
17.09.2023. Premyer Liqa. Turan Tovuz – Qəbələ – 2:2
Fərid Nəbiyev, 56; Belajdi Pusi, 59 // Osama Xalayla, 71, 78 (p.)
25.11.2023. Premyer Liqa. Qəbələ - Turan Tovuz – 4:0
Bilel Auaşeriya, 42, 49, 85; Samuel Tetteh, 53
