Misli Premyer Liqasında XXII turun təyinatları açıqlanıb. Fevralın 11-13-də keçiriləcək matçların hakimləri, hakim-inspektor və AFFA nümayəndələri müəyyənləşib.
“Qəbələ”nin “Turan Tovuz”la səfər qarşılaşmasının da təyinatları bəlli olub. Turun son günündə meydana çıxacaq “qırmızı-qaralar”ın matçını Rauf Allahverdiyev idarə edəcək.
Onun köməkçiləri Müslüm Əliyev və Cəmil Quliyev olacaqlar. Dördüncü hakim funksiyasını Əli Əliyev yerinə yetirəcək.
Xatırladaq ki, Tovuz şəhər stadionunda baş tutacaq “Turan Tovuz” - “Qəbələ” qarşılaşması saat 15:00-da başlayacaq.
Misli Premyer Liqası
XXII tur
13 fevral (çərşənbə axşamı)
15:00. “Turan Tovuz” – “Qəbələ”
Hakimlər: Rauf Allahverdiyev, Müslüm Əliyev, Cəmil Quliyev, Əli Əliyev
Hakim-inspektor: Ramil Diniyev
AFFA nümayəndəsi: Nəriman Axundov
Tovuz şəhər stadionu
