QƏBƏLƏ FC

I Qəbələ Kuboku ölkə daxilində olduğu qədər ölkə xaricində də maraqla qarşılanıb. Turnirdə Avropanın tanınmış klublarının iştirak etməsi sözügedən birinciliyə diqqəti artırıb. Açılış matçının – “Qəbələ”-“Qalatasaray” qarşılaşmasının Türkiyənin ən çox izləyiciyə malik klub televiziyasında canlı yayımlanması da bu marağa bariz nümunədir. Futbolsevərlər mayın 31-i  saat 19:00-da baş tutacaq qarşılaşmanı “İdman Azərbaycan”la yanaşı, “Qalatasaray”a məxsus GS TV vasitəsilə də izləyə biləcəklər.