QƏBƏLƏ FC

Sankt-Peterburq şəhərində 12 yaşa qədər futbolçular arasında keçirilən “Young Talents – 2012” turnirinə yekun vurulub. “Qəbələ” son oyunda 11-ci yer uğrunda mübarizədə Rusiyanın “Sinara” klubu ilə üz-üzə gəlib. 

Matç boyunca komandamız üstün oyun nümayiş etdirsə də, rəqibin ilk hissədə qapımızdan keçirdiyi qol həlledici olub və “Qəbələ” 0:1 hesabilə yenilib. Bununla da, təmsilçimiz 22 komandanın iştirak etdiyi turniri 12-ci yerdə bitirib. 

Çempionluq kubokunu finalda “Zenit”i 3:0 hesabilə məğlub edən “Barselona” başı üzərinə qaldırıb. Turnirin təltifetmə mərasimində qaliblərə kubok və medallar, bütün iştirakçılara xatirə diplomları təqdim olunub.