U-13 ÇEMPION!!! - Fotoreportaj
Xəbərlər / 13 May 2014 | 12:51199
Öncə U-13 Liqasının ilkin regional çempionatında, daha sonra isə final mərhələsində uğurlu çıxışla yadda qalan "Qəbələ"nin 13 yaşa qədər futbolçulardan ibarət komandası bu gün liqanın yekun - final oyununa çıxıb. Siyəzən təmsilçisi "Neftçi" İSM ilə üz-üzə gələn "qırmızı-qaralar" gərgin və maraqlı mübarizənin sonunda kuboku başı üzərinə qaldırıb.
Matçda hesab ilk hissədə açılıb. Salman Ələskərov dəqiq baş zərbəsi ilə "Qəbələ"ni irəli çıxarıb. Fasiləyə qalib yollanan Ülfət Mədətovun yetirmələri ikinci hissədə də üstün oyun nümayiş etdiriblər. Ardıcıl hücumlar matçın sonlarında öz bəhrəsini verib. Orxan Abdullayevin cərimə meydançası hüdudlarında kobudluqla dayandırılması hakimin penalti nöqtəsini göstərməsi ilə nəticələnib. Topa yaxınlaşan Ramin Əhmədov qapıçıya şans verməyib və "qırmızı-qaraların" qələbəsini rəsmiləşdirib - 2:0. Beləliklə, "Qəbələ" U-13 Liqasının keçirilməsinə start verilən zamandan - 2009-cu ildən bu yana 3-cü çempionluğunu bayram edib.
Final matçının ardından qaliblərin təltifetmə mərasimi baş tutub. Mükafatçılar sırasına adını yazdırmış komandalara - "Qəbələ", "Neftçi" İSM (Siyəzən) və "Neftçi"yə (Bakı) kubok və medallar təqdim olunub. "Qırmızı-qaralar"ın üzvü Orxan Abdullayev çempionatın ən yaxşı futbolçusu adına layiq görülüb.
OXŞAR XƏBƏRLƏR
