“Qəbələ” akademiyasının komandaları liqalarda növbəti oyunlarını keçiriblər. Gənclər Liqasında mübarizə aparan U-19-un “Araz-Naxçıvan”la görüşü təxirə salınıb. 7 matçda 16 xal toplayan “qırmızı-qaralar” turnir cədvəlində 4-cü pillədə qərarlaşıb.
U-17 “Səbail”lə ev oyununda qalib gəlib – 6:1. 10 oyundan sonra hesabında 23 xal olan “qırmızı-qaralar” turnir cədvəlində 2-cidir.
U-16 “Masallı” ilə səfər qarşılaşmasından bir xalla dönüb – 2:2. Komandamız on matçdan sonra 12 xalla 7-cı yerdə qərarlaşıb.
“Kəpəz”i qəbul edən U-15 4:2 hesablı qələbə qazanıb. 9 oyunda 15 xal toplayan komandamız 7-ci sıradadır.
Şimal-Qərb və Qarabağ regionunda çıxış edən U-13 “Qafqaz Arena”nın qapısından 7 cavabsız qol keçirib. Beş oyunda 15 xal toplayan komandamız 1-ci pillədə yer alıb.
