QƏBƏLƏ FC

Bu gün U-14 Liqasında 2014/15 mövsümünə yekun vurulub. Yarışın qalibi Bayıl stadionunda keçirilən final matçında müəyyənləşib. Həlledici qarşılaşmada “Qəbələ” və “İnter” üz-üzə gəlib. Qarşılaşmada hesabı “qırmızı-qaralar” açsalar da, üstünlüyünü qoruya bilməyiblər. Final oyununda 1:3 hesabı ilə uduzan Xaqani Məmmədovun yetirmələri yarışı 2-ci pillədə, gümüş medallarla başa vurublar. Cari mövsümdə 2-ci mükafatını qazanan U-14 bu ilin fevralında “Bakcell u-14 Elit Kuboku”nun qalibi olub.
Bu, “Qəbələ”nin cari mövsüm qazandığı 9-cu mükafat olub. U-17 və U-10 liqalarda qızıl medal qazanıb. U-16, U-15, U-14 və U-12 gümüş, U-19 bürünc medala yiyələnib. Bundan başqa, U-17 və U-14 kubok yarışlarının qalibi olub.