“Qəbələ” Futbol Akademiyasının komandaları növbəti oyunlarını keçiriblər. Gənclər Liqasının çempionu olan U-19 “Səbail”i 3:2 hesabı ilə məğlub edib. 26 oyun keçirən komandamızın hesabında 69 xal var. U-17 səfərdə “Xəzər Lənkəran”ı məğlub edib – 11:0. 20 görüşdə 43 xal toplayan “qırmızı-qaralar” 3-cü pillədə qərarlaşıb.
4 komandamız AFFA-nın təşkil etdiyi liqaların 1/4 final mərhələsində qüvvəsini sınayıb. U-14 “Səbail”i hər iki oyunda 3:0 hesabı ilə yenib. Komandamız yarımfinalda “Binə” ilə görüşəcək. U-12 isə “Leon”u mübarizədən kənarlaşdırıb – 3:0, 0:0. Təmsilçimizin növbəti rəqibi “Neftçi” olacaq. “Leon”la üz-üzə gələn U-11 isə yarışda çıxışını başa vurub – 2:4, 0:2. 1/4 final səddini adlaya bilməyən U-10 isə səfərdə vurulan qollara görə “Sabah”ı keçə bilməyib – 3:2, 1:2.
