U-17-dən «Qızıl dubl» - Fotoreportaj
Xəbərlər / 18 May 2015 | 11:41185
Bu gün Bakcell U-17 Liqasında çıxış edən komandaların iştirakı ilə təşkil olunmuş U-17 Kuboku turnirinin final oyunu keçirilib. Bayıl stadionunda baş tutan qarşılaşmada “Qəbələ” ilə “Bakı” üz-üzə gəlib.
Bunadək U-17 Liqanın çempionu olan “qırmızı-qaralar” mövsümdə 2-ci titulu böyükhesablı qələbə ilə qazanıblar. 4:1 hesabı ilə qalib gələn Ramin Quliyevin yetirmələri bununla da “Qızıl dubl”a imza atıblar.
Qarşılaşmada hesabı paytaxt təmsilçisi açsa da, Şahin Quliyevin qoluna əvvəl Nurlan Quliyev, ardınca Baxşəli Baxşəliyev cavab verib. Rövlan Muradov dubl ilə hesabı 4:1-ə çatdırıb.
Qeyd edək ki, komandamız 1/4 finalda “Qarabağ”ı (1:1, 4:1), 1/2 finalda “Neftçi”ni (3:2, 2:2) mübarizədən kənarlaşdırıb.
OXŞAR XƏBƏRLƏR
