U-17 Mərakeş təmsilçisi ilə qarşılaşacaq
Xəbərlər / 20 Dekabr 2013 | 07:54202
Braziliyanın Araponqas şəhərində keçirilən "Laranya Mekanika Beynəlxalq Kuboku" turnirində iştirak edən "Qəbələ"nin 17 yaşa qədər futbolçulardan ibarət komandası yarış çərçivəsində üçüncü matçını keçirib. Qrup mərhələsinin ilk iki oyununda məğlub olan ("Laranya Mekanika" 0:3, "Palmeyras" 0:1) "qırmızı-qaralar" üçüncü görüşdə Birləşmiş Ərəb Əmirliklərinin "Əl-Əhli" kollektivi ilə qarşılaşıb. Maraqlı mübarizə şəraitində keçən matç 1:1 hesablı heç-heçə ilə yekunlaşıb. Hesabda geri düşən "Qəbələ"nin bərabərlik qoluna Yusif Nəbiyevin ötürməsi ilə Ayxan Əsədov imza atıb. Bu nəticədən sonra qrupda 3-cü pilləni tutan "qırmızı-qaralar" 5-ci yer uğrunda oynamaq hüququ qazanıb. Sözügedən matçda "Qəbələ" Mərakeş təmsilçisi "Mohamad IV" ilə üz-üzə gələcək.
Matçın ardından turnir çərçivəsində seminar baş tutub. Seminarda "Qəbələ" Furtbol Akademiyasının direktoru Stenli Brard, "Mohamad IV" akademiyasının fransız məşqçisi Tomas Pavilyon və "Kuritiba"təmsilçisi Mario Andre Mazukko çıxış edib.
OXŞAR XƏBƏRLƏR
