QƏBƏLƏ FC

“Qəbələ” Futbol Akademiyasının komandaları növbəti oyunlarını keçiriblər. Gənclər Liqasının çempionu adını qazanan U-19 mövsümün son oyununda “Sumqayıt”ın qonağı olub. 2:1 hesabı ilə qalib gələn 28 oyundan ibarət yarışı 75 xalla tamamlayıb, Samir Qurbanov isə 18 qolla bombardir adına yiyələnib.

“Neftçi” PFK-nı səfərdə 2:0 hesabı ilə yenən U-17 çempionatı 2-ci yerdə tamamlayıb. Gümüş medal qazanan komandamız 22 matçda 49 xal toplayıb.

Son turda “Qarabağ”a 2:0 hesabı ilə qalib gələn U-15 də gümüş mükafata yiyələnib. 26 matçda 69 xal toplayan komandamız yalnız əlavə göstəricilərdə çempiondan geri qalıb. U-14 komandamız isə mövsümü bürünc medalla başa vurub. “Qırmızı-qaralar” 3-cü yer uğrunda qarşılaşmada “Qarabağ”a qalib gəlib.