“Qəbələ” akademiyasının komandaları liqalarda növbəti oyunlarını keçiriblər. Gənclər Liqasında mübarizə aparan U-19 “Kəpəz”in qonağı olub. “Qırmızı-qaralar” səfərdə 7 cavabsız qolla qalib gəlib. 8 matçda 19 xal toplayan komandamız turnir cədvəlində 4-cüdür.
U-17 rəqib meydanında “Neftçi” PFK-ya uduzub – 1:4. 11 oyundan sonra hesabında 23 xal olan “qırmızı-qaralar” turnir cədvəlində 4-cü pillədə yer alıb.
U-16-nın “Qarabağ”la ev qarşılaşması təxirə salınıb. Komandamız 10 matçdan sonra 12 xalla 7-cı yerdə qərarlaşıb.
“Araz Saatlı”nın qonağı olan U-15 səfərdə böyükhesablı qələbə qazanıb – 5:1. 10 oyunda 18 xal toplayan komandamız 7-ci sıradadır.
Şimal-Qərb və Qarabağ regionunda çıxış edən U-13 “Şirvan”a (Ağdaş) qalib gəlib – 6:2. Altı oyunda 18 xal toplayan komandamız öz zonasında 1-ci pillədədir.
