“Qəbələ” Futbol Akademiyasının bir neçə komandası ölkə xaricində təşkil olunan beynəlxalq turnirlərə qatılsa da, digər yaş qruplarındakı təmsilçilərimiz daxili yarışlarda qüvvəsini sınayıb.
U-19 komandamız əvvəl “Xəzər Lənkəran”ı evdə 4:0, ardınca “Sumqayıt”ı səfərdə 2:1 hesabı ilə məğlub edib. 23 oyundan sonra hesabında 47 xal olan “qırmızı-qaralar” 2-ci pillədə qərarlaşıb. Komandamız növbəti turda AZAL-ı qəbul edəcək.
Hazırda İtaliyada olan U-17 səfər öncəsi “Neftçi” İK İB-i rəqib meydanında 3:1 hesabı ilə məğlub edib. Növbəti turda “Neftçi”ni qəbul edəcək “Qəbələ” 17 matçda topladığı 47 xalla çempionatın turnir cədvəlinin 1-ci pilləsindədir.
Son qarşılaşmasında “Turan”ı 2:0 hesabı ilə məğlub edən U-16 21 görüşdə topladığı 56 xalla yarışın vahid lideridir. Son turda istirahət edən U-15 20 oyundan 44 xal toplamaqla 2-ci sırada qərarlaşıb. “Qırmızı-qaralar” növbəti turda “Vətən”in qonağı olacaq.
