QƏBƏLƏ FC

Premyer Liqanın XII turunda “Qəbələ” doğma divarlar arasında “Neftçi”ni qəbul etdi. Gərgin mübarizə şəraitində keçən matçda meydan sahibləri layiqli qələbə qazandılar və paytaxt təmsilçisini Qəbələdən əliboş yola saldılar.  “Qırmızı-qaralar”ın baş məşqçi postuna dönüşündən sonra ardıcıl ikinci qələbəsini qazanan Ramiz Məmmədov qarşılaşmanın ardından fikirlərini açıqlayıb. Mütəxəssis komandasının əzmkar mübarizə apardığını və bütün futbolçuların verilən tapşırıqları layiqincə yerinə yetirdiklərini söyləyib:

“Oyun haqda geniş şərhə ehtiyac yoxdur. Futbolçularım verdiyim tapşırıqları artıqlaması ilə yerinə yetirdilər. Hər şey göz qabağında idi. Yığmamızın Rusiya ilə matçına görə verilən fasilədən maksimum yaralanaraq fiziki durumumuzu yüksəltmişdik. “Neftçi” ilə qarşılaşmada zəhmətimizin bəhrəsini gördük. Bu da doğru yolda olduğumuzu sübut edir. Bütün futbolçularıma ayrı-ayrılıqda təşəkkür edirəm. Əzmkarlıqla son dəqiqələrə, son saniyələrədək mübarizə apardılar. Komandama qarşıdakı oyunlarda, “Neftçi”yə “Rubin”lə matçda uğurlar diləyirəm”.